پحەنيانداعى كيم ير سەن الاڭىندا سولتۇستىك كورەيا باسشىسى كيم چەن ىن مەن رەسەي پرەزيدەنتى ۆلاديمير پۋتيننىڭ رەسمي كەزدەسۋ ءراسىمى ءوتتى، دەپ حابارلايدى Abai.kz.

18 ماۋسىمدا باستالعان كحدر-عا ەكى كۇندىك رەسمي ساپارى كەزىندە ۆلاديمير پۋتين  سولتۇستىك كورەيا باسشىسى كيم چەن ىندى پحەنيان اۋەجايىندا كۇتىپ العان. ەكى ەل باسشىلارى بىرنەشە مينۋت سويلەسىپ، كەيىن ولاردىڭ كورتەجى اۋەجايدان كەتكەن.

بۇگىن، 19 ماۋسىمعا جوسپارلانعان كەڭەيتىلگەن كەلىسسوزدەر بارىسىندا ەكى ەل باسشىلارى حالىقارالىق كۇن ءتارتىبىن، سونداي-اق قاۋىپسىزدىك، ەكونوميكا، ەنەرگەتيكا، كولىك جانە اۋىل شارۋاشىلىعى سالالارىنداعى ىنتىماقتاستىق ماسەلەلەرىن تالقىلايدى. سونىمەن قاتار رەسەي پرەزيدەنتى جۇمىس ساپارى بارىسىندا گالا-كونتسەرت ۇيىمداستىرىلىپ، مەملەكەتتىك قابىلداۋ، سونداي-اق ەكىنشى دۇنيەجۇزىلىك سوعىس كەزىندە كورەيانى ازات ەتكەن قىزىل ارميا جاۋىنگەرلەرىنە ارنالعان «ازاتتىق» مونۋمەنتىنە گۇل شوقتارىن قويۋ ءراسىمى وتەدى.

Abai.kz