ەڭبەك جانە حالىقتى الەۋمەتتىك قورعاۋ مينيسترلىگى ەلدەگى زەينەتكەرلەردىڭ سانى مەن رەسپۋبليكاداعى زەينەتاقىنىڭ ورتاشا مولشەرى تۋرالى مالىمەتتەردى جاريالادى، دەپ حابارلايدى Abai.kz.

2024 جىلعى 1 ماۋسىمداعى جاعداي بويىنشا زەينەتكەرلەر سانى – 2 ملن 383 مىڭ ادامدى قۇراسا، جىل باسىنان بەرى رەسپۋبليكالىق بيۋدجەتتەن 1 ترلن 549,3 ملرد تەڭگە سوماسىنا زەينەتاقى تولەنگەن. بازالىق زەينەتاقى تولەۋگە – 487,5 ملرد تەڭگە، ىنتىماقتى زەينەتاقى تولەۋگە – 1 ترلن 61,8 ملرد تەڭگە باعىتتالدى.

بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جۇيەدە جۇمىس ىستەگەن ۋاقىتى، سونداي-اق مىندەتتى زەينەتاقى جارنالارى (بۇدان ءارى – مزج) تولەنگەن كەزەڭدەر زەينەتاقى جۇيەسىندەگى ەڭبەك وتىلىنە قوسىلادى.

ەگەر ازاماتتىڭ زەينەتاقى جۇيەسىندەگى ءوتىلى 10 جىل نەمەسە ودان از بولسا، سونداي-اق مۇلدە جوق بولسا، بازالىق زەينەتاقى ەڭ تومەنگى كۇنكورىس دەڭگەيىنىڭ 65%-نا تەڭ بولسا، سودان كەيىن 10 جىلدان اسقان ءار جىل ءۇشىن ونىڭ مولشەرى 2%-عا ارتادى. ال ەگەر ءسىزدىڭ ءوتىلىڭىز 20 جىل بولسا، بازالىق زەينەتاقى تومەنگى كۇنكورىس دەڭگەيىنىڭ 85%-ىن قۇرايدى. ەڭبەك ءوتىلى 30 جىل نەمەسە ودان كوپ بولسا، كۇنكورىس دەڭگەيىنىڭ ەڭ جوعارعى مولشەرىندە ياعني 105% بەلگىلەنەدى، – دەلىنگەن حابارلامادا.

Abai.kz