قازاقستانداعى كيىك سانىن رەتتەۋ كەرەگىن اۋىل شارۋاشىلىعى ءمينيسترى ايداربەك ساپاروۆ دەپ مالىمدەدى.

ءمينيستردىڭ سوزىنشە فەرمەرلەر ەگىنىن وتاپ كەتىپ جاتقان كيىكتەرگە تاعى شاعىمدانعان.

– كيىكتەر كوبەيىپ كەلەدى. قالاي بولعاندا دا، مەنىڭ ويىمشا، رەتتەۋ قاجەت. ول دەگەن مىندەتتى تۇردە اتۋ ەمەس. مۇندا ۇجىمداستىرا اۋلاۋ ءادىسىن قولدانعان ابزال. بۇگىن ءبىزدىڭ ەت كومبيناتتارى دايىن، ستاندارتتار ازىرلەندى، ءبىز جۇمىس ىستەي الامىز، - دەدى ول.

جۋرناليستەر مينيستردەن اقبوكەندەردى اتۋ كەرەك پە دەپ سۇراعان.

– مەن اتۋ تۋرالى ماسەلەنى مۇلدە كوتەرمەيمىن جانە ايتپايمىن. ءبىز تورمەن اۋلاۋ تۋرالى ايتىپ وتىرمىز، - دەدى ول.

ال اۋىل شارۋاشىلىعى مينيسترلىگى اقبوكەندەردەن فەرمەرلەرگە كەلتىرىلگەن زياندى انىقتاۋ ادىستەمەسىن ءالى ازىرلەگەن جوق.

Abai.kz