دەنساۋلىق ساقتاۋ مينيسترلىگى 25 598 ادام نەمەسە نىسانالى توپتىڭ 100%-ى كەنە ەنتسەفاليتىنە قارسى ۆاكتسيناتسيالاۋدان وتكەندىگىن حابارلادى. جىل باسىنىن بەرى 7 547 ادام كەنە شاعىپ العاننان كەيىن مەديتسينالىق كومەككە جۇگىندى.

"كەنە ەنتسەفاليتىنىڭ پروفيلاكتيكاسى ماقساتىندا جاندىكتەر شاعىپ العان جاعدايدا كەنە يممۋنوگلوبينى قولدانىلادى. پرەپاراتتى دارىگەر مەديتسينالىق ۇيىمعا جۇگىنگەن كەزدە تەكسەرۋدەن كەيىن عانا تاعايىندايدى. بيىل 7 547 ادام كەنە شاعىپ العاننان كەيىن مەديتسينالىق كومەككە جۇگىندى. پروفيلاكتيكا ماقساتىندا كەنە شاققان ادامداردىڭ 92%-ى كەنە يممۋنوگلوبۋلينىن الدى. بۇگىنگى تاڭدا ۆاكتسيناتسيالاۋدى جالعاستىرۋ جانە حالىقتى قورعاۋدى قامتاماسىز ەتۋ ءۇشىن ۆاكتسينانىڭ 29 مىڭعا جۋىق دوزاسى جانە شامامەن 44 ليتر يممۋنوگلوبۋلين بار", – دەلىنگەن حابارلامادا.

كەنە ەنتسەفاليتىن جۇقتىرۋ نەگىزىنەن ەندەميالىق اۋماقتاردا تابيعي جاعدايدا ورىن الادى.

Abai.kz