اقوردا پرەزيدەنت قاسىم-جومارت توقاەۆتىڭ بۇرىنعى ۇلتتىق ەكونوميكا ءمينيسترى الىبەك  قۋانتىروۆتى جاڭا قىزمەتكە تاعايىنداعانىن حابارلادى.

پرەزيدەنتتىڭ وكىمىمەن الىبەك قۋانتىروۆ قازاقستان سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى.

ەڭبەك جولى:

الىبەك قۋانتىروۆ 1983 جىلى اتىراۋ قالاسىندا تۋعان.

تومسك مەملەكەتتىك ۋنيۆەرسيتەتىن، ميچيگان ۋنيۆەرسيتەتىن بىتىرگەن، قولدانبالى ەكونوميكا ماگيسترى. پرەزيدەنتتىك جاستار كادر رەزەرۆىنىڭ مۇشەسى.

ەڭبەك جولىن 2005 جىلى ەكونوميكا جانە بيۋدجەتتىك جوسپارلاۋ مينيسترلىگىندە جەتەكشى ماماننىڭ مىندەتىن اتقارۋشى بولىپ باستادى.

2005-2010 جىلدارى ەكونوميكا جانە بيۋدجەتتىك جوسپارلاۋ مينيسترلىگىندە ءتۇرلى لاۋازىمداردا جۇمىس ىستەدى.

2010-2013 جىلدارى قارجى مينيسترلىگىنىڭ بيۋدجەتتىك جوسپارلاۋ جانە بولجامداۋ دەپارتامەنتى ديرەكتورىنىڭ ورىنباسارى بولدى.

2013 جىلى يندۋستريا جانە جاڭا تەحنولوگيالار مينيسترلىگىنىڭ گەولوگيا جانە جەر قويناۋىن پايدالانۋ كوميتەتى توراعاسىنىڭ ورىنباسارى قىزمەتىن اتقارعان.

2013-2019 جىلدارى قر پرەزيدەنت اكىمشىلىگىندە ءتۇرلى قىزمەتتەر اتقاردى.

2019-2021 جىلدارى قازاقستاننىڭ تۇڭعىش پرەزيدەنتى — ەلباسى كەڭسەسىنىڭ اقپاراتتىق-ساراپتامالىق قامتاماسىز ەتۋ ءبولىمىنىڭ مەڭگەرۋشىسىنىڭ ورىنباسارى، 2021-2022 جىلدارى ۇلتتىق ەكونوميكا ۆيتسە-ءمينيسترى، 2022-2024 جىلدارى — ۇلتتىق ەكونوميكا ءمينيسترى قىزمەتىن اتقارعان.

Abai.kz