«تازا قازاقستان» اكتسياسى اياسىندا اباي وبلىسىنىڭ قالالارى مەن اۋداندارىندا اۋقىمدى تازالىق جۇمىستارى جۇرگىزىلۋدە. 

اباي وبلىسىندا ەكولوگيالىق احۋالدى جاقسارتۋعا جانە قوعامنىڭ نازارىن ەكولوگيالىق ماسەلەلەرگە اۋدارۋعا باعىتتالعان «تازا قازاقستان» اكتسياسى جۇرگىزىلۋدە. وسى اكتسيا اياسىندا وبلىستىڭ ءار اۋدانىندا اۋماقتاردى تازارتۋ، اعاشتار مەن كوشەتتەر وتىرعىزۋ، سونداي-اق ساياباقتار مەن الاڭداردى اباتتاندىرۋ ۇيىمداستىرىلدى. «تازا قازاقستان» اكتسياسى تۇرعىنداردىڭ تازالىقتى ساقتاۋعا اتسالىسۋىنىڭ ماڭىزدىلىعىن كورسەتىپ، قوعامنىڭ ءتۇرلى سالالارىن قاتىستىرىپ، قورشاعان ورتانى قورعاۋ قاجەتتىلىگىنە نازار اۋدارادى. بۇگىن وبلىس كولەمىندە 10-عا جۋىق ءتۇرلى ءىس-شارا ءوتتى. مىسالى، «تازا ولكە»، «تازا كوشە»، «تابيعاتتى ايالايىق»، «بەسقاراعايدىڭ ءىنجۋ-مارجانىن ساقتايىق» جانە ت.ب.

بەسقاراعاي اۋدانى شوشقالى كولىندە «بەسقاراعايدىڭ ءىنجۋ-مارجانىن ساقتايىق» اكتسياسى ءوتىپ، وعان اۋدان باسشىلىعى، بەلگىلى سپورتشىلار، جاس وتباسىلار، اۋدان دەپۋتاتتارى، اۋىل تۇرعىندارى، باق جانە ەرىكتىلەر، سونداي-اق «جاسىل ەل» ەڭبەك جاساعىنىڭ ساربازدارى قاتىستى. شارا بارىسىندا كول جاعاسى قوقىستان تازارتىلىپ، قوقىس جاشىكتەرى ورناتىلدى. اكتسياعا بارلىعى 100-گە جۋىق ادام مەن 5 ارنايى تەحنيكا قاتىستى.

كۋرچاتوۆ قالاسىنىڭ تۇرعىندارى «قالانى تازا ۇستايىق!» ۇرانىمەن وتكەن «تازا قازاقستان» ەكو-اكتسياسىنا بەلسەنە قاتىستى، ونىڭ اياسىندا «بۋراتينو» بالالار ساياباعىن تازارتۋ جۇمىستارى جۇرگىزىلدى. بىرنەشە ساعات ىشىندە قاتىسۋشىلار اۋماقتى تولىقتاي قوقىستاردان تازارتتى.

اياگوز اۋدانىندا رەسپۋبليكالىق ەكو-اكتسيا اياسىندا «پيتومنيك» اۋماعىندا دا قوقىستاردان تازارتۋ جۇمىستارى ءوتتى. شاراعا 40-تان استام جاس قاتىسىپ، 37 قاپ قوقىس جينالدى.

بورودۋليحا اۋدانى بورودۋليحا اۋىلىندا اۋقىمدى اكتسيا ءوتىپ، ناتيجەسىندە اۋىل ورتالىعىندا ورنالاسقان ورمان القابى تازارتىلدى. اكتسياعا جەرگىلىكتى تۇرعىندار، ستۋدەنتتەر، جاستار جانە «جاسىل ەل» جاساعىنىڭ ساربازدارى قاتىستى. وسىلايشا 20 قاپتان استام قوقىس جينالدى. جالپى بورودۋليحا اۋدانىندا «تازا قازاقستان» اكتسياسى باستالعالى بەرى قاتتى تۇرمىستىق قالدىقتار پوليگونىنا 40 مىڭ توننا قوقىس شىعارىلىپ، 1500 اعاش پەن 20 850 كوشەت وتىرعىزىلدى. 5 سۋ قويماسى قوقىستان تازارتىلىپ، 21 ساياباق پەن الاڭ اباتتاندىرىلدى. سەنبىلىككە بارلىعى 9 مىڭنان استام ادام قاتىستى.

اباي اۋدانىندا «تازا قازاقستان» رەسپۋبليكالىق ەكولوگيالىق اكتسياسى اياسىندا اباي اتىنداعى ورتالىق ساياباقتا «تازا ساياباق» سەنبىلىگى ۇيىمداستىرىلدى. 150-دەن استام ادام، ونىڭ ىشىندە مەكەمە قىزمەتكەرلەرى مەن بەلسەندى اۋىل تۇرعىندارى ساياباقتى قوقىستان تازارتۋ جۇمىستارىن جۇرگىزدى.

اباي وبلىسىندا «تازا قازاقستان» ەكولوگيالىق اكتسياسىنا بارلىعى 88 200 ادام قاتىستى. اكتسياعا 3596 ۇيىم مەن مەكەمە قولداۋ كورسەتىپ، 2041 بىرلىك ءتۇرلى تەحنيكا جۇمىلدىرىلدى. 78 590 اۋلا تازالانىپ، قاتتى تۇرمىستىق قالدىقتار پوليگوندارىنا 47 590 توننا قالدىق شىعارىلدى. وبلىستا 239 ساياباق پەن الاڭ تازارتىلىپ، 252 ەسكەرتكىشتىڭ اۋماعى اباتتاندىرىلدى. جالپى، اكتسيا بارىسىندا وبلىستا 135 540 اعاش وتىرعىزىلدى. 1035 الەۋمەتتىك نىسان مەن 2221 وندىرىستىك نىسان، 852 سۋ قويماسى قامتىلدى.

Abai.kz