ەرتەرەكتە ءبىر جازۋشى ايەل لوندونعا بارىپتى. بىردە ەكى بولەك ەسىگى بار، ارنايى قوعامدىق دارەتحانانى كورەدى.

ەسىكتەردە:

«ايەلدەرگە تەگىن. بىراق لەدي (حانىم)-لەر-ءبىر پەنس»،

«ەركەكتەرگە تەگىن. بىراق دجەنتەلمەندەر-ءبىر پەنس»،- دەپ جازىلعانىن كورىپ ايەلدەر مەن حانىم(لەدي)-داردىڭ ايىرماشىلىعى تۋرالى تاڭدانا ويلاپ تۇرعان كەزىندە پوليتسيا قىزمەتكەرى جاقىنداپ «سىزگە ءبىر پەنس كەرەك بولىپ قالمادى ما؟» دەپ سىپايى تۇردە سۇراپتى. پوليتسەي بولسا قالتاسىندا ۇساق تيىنى بولماي قالدى ما ەكەن دەپ ناعىز دجەنتەلمەندىك مىنەزبەن وعان كومەكتەسۋدى ويلاسا كەرەك.

«سىپايى» بريتاندىقتار شىنىمەن كەرەمەت ادامدار عوي،- دەيدى جازۋشى ايەل دارەتحانا ەسىگىندەگى ەسكەرتۋ تۋرالى ويلاپ تۇرىپ.

بۇل وقيعانىڭ تەرەڭ ماعىناسى بار:

جوعارى تاربيەلى (لەدي، دجەنتەلمەن) ادامدار ارقاشان بىرەۋدىڭ ەڭبەگىن باعالاپ، اقى تولەۋدى ۇيرەنگەن، تەگىن نارسە العىسى كەلىپ ەشقاشان باسقالاردى تىزەسىمەن، شىنتاعىمەن يتەرمەلەپ سىعىلىسىپ جۇرمەيدى. تولەي الاتىن مۇمكىندىگى بار كەزدە تەگىن نارسەلەرگە ۇمتىلۋ دەگەندى بىلمەيدى.

قىزمەتى ءۇشىن ەشكىم ولاردان العىس كۇتپەسە دە، ريزاشىلىق بىلدىرەتىن، تەگىن زاتتاردى جاقسى كورۋدى ۇيرەنبەگەن ادامدار. ويتكەنى كەز-كەلگەن زاتتار مەن قىزمەتتەرگە اقى تولەۋ دەگەنىمىز ول ادامعا ءوزىنىڭ قادىر-قاسيەتىن ساقتاۋ، ءوزىن جايلى سەزىنۋ ءۇشىن قاجەت.

وزىنە قاناعاتتانۋ، ءوزىن باعالاۋ دەگەن وتە ماڭىزدى سەزىم.

كەيدە تەك ءبىر عانا پەنس تولەۋ جەتكىلىكتى بولسا دا بىرەۋلەر ونى تولەمەيدى. باسقالارعا دەگەن قۇرمەت ءدال وسى جەردەن باستالادى.

ريزاشىلىق ءبىلدىرۋ، ريزاشىلىققا جاۋاپ بەرۋ، جاقسى ىقىلاس-پەيىل كورسەتۋ، جاقسى پەيىلگە جاقسى پەيىلمەن جاۋاپ قايتارۋ، ءتىپتى ونى ەشكىم كورىپ تۇرماسا دا، ەشكىم ونى باعالاماسا دا بۇل باسقانىڭ ەڭبەگىن باعالايتىن ادامداردىڭ داعدىعا اينالدىرعان تاجىريبەسى. بۇعان قوسا بىرەۋگە اسا قاجەتتى، ماڭىزدى بولعان كەزدە ەشكىمگە بىلدىرمەي شىن نيەتىمەن كومەك كورسەتۋ دە جاتادى.

ءار ادام تۋىلعان كەزدەگى جىنىسىنا بايلانىستى ەشقانداي كۇش جۇمساماي-اق ەركەك نەمەسە ايەل بولا الادى. بىراق تاربيەلى ادەپتى ادام بولۋ وڭاي ەمەس.

ءبارىنىڭ نەگىزى ءوزىڭدى جانە باسقالاردى قۇرمەتتەۋدى ۇيرەنۋدەن باستالادى....(اۋداردىم. اننا كيريانوۆا)

امانتاي تويشىبايۇلىنىڭ جەلىدەگى جازباسى

Abai.kz