ەلىمىزدە 2024 جىلدىڭ باسىنان 32 گيدروتەحنيكالىق قۇرىلىس كوممۋنالدىق مەنشىكتەن رەسپۋبليكالىق مەنشىككە قايتارىلدى، دەپ حابارلايدى قر سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى. 

مينيسترلىكتىڭ حابارلاۋىنشا، اتالعان 31 سۋارۋ كانالى مەن 1 بوگەت جامبىل وبلىسىندا ورنالاسقان. قازىرگى ۋاقىتتا ەلىمىزدىڭ باسقا وڭىرلەرىندەگى سۋ شارۋاشىلىعى نىساندارىن رەسپۋبليكالىق مەنشىككە قايتارۋ بويىنشا بەلسەندى جۇمىس جۇرگىزىلىپ جاتىر.

«مينيسترلىك ەلىمىزدىڭ سۋ ينفراقۇرىلىمىن جاقسارتۋ بويىنشا جۇمىستى باستادى. مىسالى، پرەزيدەنتتىڭ تاپسىرماسى اياسىندا 2030 جىلعا دەيىن سۋ شارۋاشىلىعى نىساندارىن سالۋ جانە رەكونسترۋكتسيالاۋ بويىنشا كەشەندى جوسپار ازىرلەندى. جوسپاردا 44 سۋ قويماسىن سالۋ، 76 گيدروتەحنيكالىق قۇرىلىستى، 5321 شاقىرىمنان استام يرريگاتسيالىق جۇيەنى قايتا جاڭارتۋ، سونداي-اق 3230 تىك درەناجدى ۇڭعىما بۇرعىلاۋ كوزدەلگەن. بۇگىنگى تاڭدا 114 جوبا بويىنشا جوبالىق-سمەتالىق قۇجاتتاما ازىرلەندى»، - دەدى سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆ.

Abai.kz