الماتىنىڭ ەكونوميكا باسقارماسى تۇرعىنداردىڭ ءال-اۋقاتىنىڭ ءوسۋىن قامتاماسىز ەتۋ بويىنشا قابىلدانىپ جاتقان شارالار تۋرالى ايتتى.

بيىل ماۋسىم ايىندا جىلدىق ينفلياتسيا مامىرداعى 9%-دان 8,4%-عا دەيىن باياۋلادى. بۇل ازىق-تۇلىك تاۋارلارى باعاسىنىڭ 7,7%-عا جانە ازىق-تۇلىك ەمەس تاۋارلار باعاسىنىڭ 5,6%-عا دەيىن تومەندەۋى ەسەبىنەن بولدى. 2024 جىلى جىلدىق ينفلياتسيا ودان ءارى 7-7,5%-عا دەيىن باياۋلايدى دەپ بولجانىپ وتىر.

بيىل ءبىرىنشى توقساندا نومينالدى اقشالاي كىرىس ورتا ەسەپپەن ءاربىر الماتىلىققا 22,9% ءوسىپ، 287 مىڭ تەڭگەگە جەتتى. ناقتى ماندە ءوسىم 11,9%.

ورتاشا ايلىق جالاقى 454 مىڭ تەڭگە بولىپ، نومينالدى ماندە جالاقى 16,4%، ناقتى ماندە 6% ءوستى.

تۇراقتى جۇمىس ورىندارىن قۇرۋعا باسا نازار اۋدارىلىپ وتىر. 32,7 مىڭ جۇمىس ورنى قۇرىلدى، ونىڭ 75%-ى تۇراقتى. وسىلايشا، جۇمىسسىزدىق دەڭگەيى 4,7%-عا دەيىن تومەندەدى.

ال بيىل 6 ايدا الماتىدا نەگىزگى كاپيتالعا 715 ملرد تەڭگە ينۆەستيتسيا تارتىلدى. ءوسىم 15,8%. جەكە ينۆەستيتسيا 21,1% ءوسىپ، 656,4 ملرد تەڭگەگە جەتتى. بۇل تۋرالى الماتى قالاسى كاسىپكەرلىك جانە ينۆەستيتسيالار باسقارماسى حابارلادى.

اسىرەسە، ينۆەستيتسيا IT-سەكتور (3,8 ەسە ءوسۋ), تۋريزم (2,5 ەسە), وڭدەۋشى ونەركاسىپ (2 ەسە), دەنساۋلىق ساقتاۋ (2 ەسە) جانە كولىك سالاسىندا (+47,1%) بايقالعان.

2024 جىلى نەگىزگى كاپيتالعا سالىنعان ينۆەستيتسيا كولەمى 10% ءوسىپ، ناقتى ءوسىم 2 ترلن تەڭگەدەن استام سوماعا باعالاندى.

Abai.kz