ءوزىنىڭ ايەلىن ءولتىردى دەپ سوتتالعان ۇلتتىق ەكونوميكا ەكس-ءمينيسترى قۋاندىق بيشىمباەۆتىڭ ءىسى جوعارعى سوتقا جىبەرىلدى، دەپ جازادى orda.kz. 

سوت حاتتامالارى ءىستىڭ سۋدياعا 5 تامىزدا تاعايىندالعانىن كورسەتەدى.

بيشىمباەۆ وتكەن جىلدىڭ 9 قاراشاسىندا كىسى ءولتىردى دەگەن كۇدىكپەن ۇستالعان بولاتىن. ماۋسىم ايىندا سوت ونى اسا قاتىگەزدىكپەن جانە ازاپتاۋمەن ولتىرگەنى ءۇشىن كىنالى دەپ تاۋىپ، 24 جىلعا باس بوستاندىعىنان ايىردى. شىلدە ايىندا جازاسىن وتەپ جاتقان جەرىنە اۋىستىرىلدى.

ۇكىمدى كۇشىندە قالدىرعان اپەللياتسيالىق سوت القاسىنىڭ شەشىمىنەن كەيىن ادۆوكات نازكەن قۇسايىنوۆا سوت ۇكىمىن زاڭسىز دەپ تاۋىپ، قايتا شاعىمدانۋعا نيەتتى ەكەنىن مالىمدەدى.

Abai.kz