10 تامىزدا قازاقستاندا اباي كۇنى اتاپ وتىلەدى. ۇلى اقىننىڭ 175 جىلدىعىنا وراي رەسپۋبليكالىق دەڭگەيدە شىعارماشىلىعىنا ارنالعان 500-دەن استام ءىس-شارا وتەدى.

وبلىس ورتالىقتارىندا مەرەكە اباي ەسكەرتكىشتەرىنە گۇل شوقتارىن قويۋدان باستالادى. سونداي-اق OpenAir فورماتىندا اباي شىعارمالارىن وقۋ، ادەبي كەشتەر مەن كاراوكە ءىس-شارالار ۇيىمداستىرىلادى.

مەرەكە اياسىندا ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق مۇراجاي-قورىعىندا «ولمەيتۇعىن ارتىنا ءسوز قالدىرعان...»، «كەل جاستار ءبىز ءبىر ءتۇرلى جول تابالىق»، «شاكىردىڭ ابايعا ارنالعان ەستەلىكتەرى مەن ولەڭدەرى» ءىس-شارالارى، «ابايدى وقى، تاڭىرقا...» اتتى جىر ءمۇشايراسى، «تۇركىستان تاريحى» مۇراجايىندا «اباي الەمى» كورمەسى وتەدى.

جاستار ساياساتى جەلىسى بويىنشا ۇلتتىق جاستار ونكۇندىگى اياسىندا چەللەندجدەر مەن اباي شىعارمالارىن وقۋ جوسپارلانعان.

Abai.kz