يلحام اليەۆ ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە قاتىسۋ ءۇشىن استاناعا كەلدى. بۇل تۋرالى ۇكىمەتتىڭ تەلەگرام ارناسى جازدى.

ازەربايجان پرەزيدەنتى يلحام اليەۆ ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە قاتىسۋ ءۇشىن استاناعا كەلدى. قازاقستان پرەمەر-ءمينيسترى ولجاس بەكتەنوۆ يلحام اليەۆتى ەلوردا اۋەجايىندا كۇتىپ الدى.

قازاقستان مەن ازەربايجان اراسىنداعى ەكىجاقتى قاتىناستار ساۋدا-ەكونوميكالىق جانە مادەني-گۋمانيتارلىق ءوزارا ءىس-قيمىلدىڭ بارلىق سپەكترى بويىنشا دامىپ كەلەدى. وتكەن جىلدىڭ قورىتىندىسى بويىنشا قازاقستان مەن ازەربايجان اراسىنداعى تاۋار اينالىمى 14,3%-عا ارتىپ، $529,4 ملن-دى قۇرادى، بيىلعى قاڭتار-ماۋسىم ايلارىندا $280,6 ملن-عا جەتتى.

ۇكىمەتتەر مۇناي-گاز، كولىك-لوگيستيكا، تسيفرلىق كوممۋنيكاتسيا جانە عارىش ونەركاسىبى سالالارىندا بىرلەسكەن جوبالاردى ىسكە اسىرىپ كەلەدى. ونىڭ ىشىندە ترانسكاسپي حالىقارالىق كولىك باعىتى شەڭبەرىندە كاسپي تەڭىزىنىڭ تۇبىمەن وپتيكالىق-تالشىقتى بايلانىس جەلىسىن جانە تەرەڭ سۋ ەلەكتر كابەلىن تارتۋ جوبالارى بار. سونداي-اق ەكىجاقتى ىنتىماقتاستىق الەۋەتىن اشۋ ماقساتىندا بىرلەسكەن تىكەلەي ينۆەستيتسيا قورى قۇرىلدى.

انىقتاما:

ايماقتىق ىنتىماقتاستىقتى تەرەڭدەتۋ مەن كەڭەيتۋگە باعىتتالعان ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى 2018 جىلدان بەرى وتكىزىلىپ كەلەدى. سوڭعى بەس جىلدا (2018-2023 جىلدار) ءوزارا ساۋدا كولەمى $5,7 ملرد-تان $11 ملرد-قا دەيىن ءوستى. قازاقستاننىڭ وا ەلدەرىمەن ساۋدا-ساتتىق كولەمى وتكەن جىلى 26,8%-عا ءوسىپ، $8 ملرد-قا جەتتى.

Abai.kz