تۇركيا ءوزىنىڭ «تەمىر كۇمبەزىن» ومىرگە اكەلمەكشى
تۇركيادا جاساندى ينتەللەكت پايدالانىلاتىن «تەمىر كۇمبەز» كوپدەڭگەيلى اۋە شابۋىلىنا قارسى قورعانىس جۇيەسى قۇرىلادى.
بۇل تۋرالى TRT Haber تەلەارناسى ەل پرەزيدەنتى رەجەپ تايپ ەردوعاننىڭ توراعالىعىمەن انكارادا وتكەن قورعانىس ونەركاسىبى اتقارۋ كوميتەتى وتىرىسىنىڭ قورىتىندىسى نەگىزىندە حابارلادى.
«تەمىر كۇمبەز» جوباسى اق جۇيەسىن بىرىڭعاي جەلىگە بىرىكتىرۋدى جانە ناقتى ۋاقىت رەجيمىندە شەشىم قابىلداۋ ءۇشىن ول بويىنشا اقپارات بەرۋدى كوزدەيدى.
تەلەارنانىڭ اقپاراتى بويىنشا، سونداي-اق KAAN ۇلتتىق جويعىش ۇشاعى، Bayraktar TB3, Akinci جانە Aksungur ۇۇا، كاميكادزە-دروندارى مەن شاعىن-دروندار، راديوەلەكتروندىق كۇرەس جۇيەلەرى، ءارتۇرلى كلاستى ۇۇا-دان قورعانۋ ءۇشىن ساتىپ الۋ جوبالارى قارالدى.
وتىرىستا وتاندىق مۇمكىندىكتەردى، قولباسشىلىق، باسقارۋ جانە بايلانىس جۇيەلەرىن ساتىپ الۋدى ەسكەرە وتىرىپ، تۇرىك ارمياسىنىڭ قارۋ-جاراعىندا تۇرعان بروندى تانك تەحنيكاسىن جاڭعىرتۋ جوبالارى تالقىلاندى.
Abai.kz
