بۇگىن حالىقارالىق جاستار كۇنىنە وراي ونكۇندىك اياسىندا جەتىسۋ وبلىسى اكىمىنىڭ كۋبوگى ءۇشىن رەسپۋبليكالىق Jaidarman ويىنى ءوتتى. تالانتتى جاستاردىڭ باسىن ءبىر ارناعا توعىستىرعان جايدارمان جاستاردىڭ شىعارماشىلىق الاڭى عانا ەمەس، ولاردىڭ دامۋىنا ىقپال ەتەتىن ينستيتۋت. شاراعا جەتىسۋ وبلىسى اكىمىنىڭ ورىنباسارى دياس ەسداۋلەتوۆ ارنايى قاتىسىپ، كوماندالاردتس ماراپاتتادى.

ويىندا ەلىمىزدىڭ تۇكپىر-تۇكپىرىنەن كەلگەن رەسپۋبليكامىزعا تانىمال 11  ۇزدىك كوماندا باق سىناستى. ولار: شاتىر (سەمەي), اقبۇلاق (تۇركىستان وبلىسى), ويۋ (تاراز), اتلانت SU (الماتى), مەديۋم (تاراز), كراش (استانا), تالدىقورعان قۇراماسى (تالدىقورعان), قىزدار-اي (تالدىقورعان), تولە بي (شىمكەنت), جۋالى (تاراز), رۋدنىي (قوستاناي وبلىسى).

اكىم كۋبوگىن «قازاقستان كۆن وداعىنىڭ» پرەزيدەنتى – ەسەنتۇگەل ەلەۋكەن بايمۇحانبەتۇلى جۇرگىزدى.

جايدارمانشىلاردىڭ ونەرىنە باعا بەرگەن قازىلار القاسىنىڭ قۇرامىندا: جۋرناليست، قازاقستان فۋتزال قاۋىمداستىعىنىڭ ۆيتسە-پرەزيدەنتى نۇرسۇلتان قۇرمان، بلوگەر، ءانشى، اكتريسا سابينا موۆلاەۆا، Panasonic Electric Works كومپانياسىنىڭ تمد ەلدەرى بويىنشا ساتۋ ءبولىمىنىڭ باسشىسى دۋمان تۋرەباەۆ، اكتەر راميس كۋلاحمەتوۆ، جەتىسۋ وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى قۋانىش سۇلتانۇلى سۇلەيمەنوۆ بولدى.

تورەشىلەردىڭ شەشىمىنە سايكەس، بار جاناردى جاۋلاعان جايدارمان ويىندارىنىڭ ناتيجەسى: 1 ورىندى شىمكەنت قالاسىنان كەلگەن «تولە بي» كومانداسى جەڭىپ الدى. ولارعا   اكىم كۋبوگى مەن 1 000 000 تەڭگەلىك قارجىلاي سەرتيفيكات تابىستالدى. 2 ورىندى الماتىلىق «اتلانت SU» كومانداسى، ال 3 ورىندى «اقبۇلاق» كومانداسى يەلەندى. ەرەكشە ويىن كورسەتكەن «كراش» كومانداسىنىڭ ويىنشىسى مەيىرجان اليحان – «ۇزدىك ويىنشى» نوميناتسياسىمەن ماراپاتتالدى. جەڭىمپازدارعا  اقشالاي سىيلىق تابىستالدى.

«جەتىسۋ وبلىسى اكىمىنىڭ جۇلدەسىن يەلەندىك. بارشا قولداعان كورەرمەندەرگە، ۇيىمداستىرۋشىلارعا، قازىلارعا راقمەت! شىن جۇرەكتەن قۋانىشتىمىز. كەلدىك، بارىمىزدى سالدىق! ەڭبەك باعالاندى» – دەيدى «تولە بي» قۇراماسىنىڭ ويىنشىسى.

ەسكە سالا كەتەيىك جەتىسۋ وبلىسى اكىمىنىڭ كۋبوگى ءۇشىن رەسپۋبليكالىق Jaidarman ويىنى ءداستۇرلى تۇردە ۇيىمداستىرىلىپ كەلەدى. بۇل جوبا كەلگەن كورەرمەنگە دە، قاتىسقان توپتارعا ەرەكشە اسەر قالدىردى. جوعارى دەڭگەيدەگى ۇيىمداستىرۋ جانە كاسىبي رەداكتورلىق جۇمىس ناتيجەسىندە اكىم كۋبوگى ويىنى ءساتتى وتكىزىلدى

Abai.kz