قازاقستان رەسپۋبليكاسى مادەنيەت جانە اقپارات مينيسترلىگىنىڭ ۇيىمداستىرۋىمەن باسپا، راديو، ينتەرنەت-جۋرناليستيكا سالاسىنداعى «ۇركەر» – 2024 ۇلتتىق بايگەسىنە وتىنىمدەردى قابىلداۋ باستالدى.

مەدياكونتەنت وندىرەتىن جانە تاراتاتىن رەسپۋبليكالىق، وڭىرلىك جانە حالىقارالىق راديوستانتسيالار، باسپا جانە ينتەرنەت-باسىلىمدار بايقاۋعا قاتىسا الادى.

وتىنىمدەر 2024 جىلدىڭ 13 تامىزىنان باستاپ 1 قىركۇيەككە دەيىن قابىلدانادى. كونكۋرتىق جۇمىستار 2023 جىلدىڭ 7 تامىزى مەن 2024 جىلدىڭ 11 تامىزى ارالىعىندا رەسپۋبليكالىق، وڭىرلىك جانە حالىقارالىق باسپا جانە ينتەرنەت-باسىلىمداردا جاريالانۋى نەمەسە راديوەفيردە شىعۋى ءتيىس. ءار ۇمىتكەر بايقاۋدىڭ تەك ەكى نوميناتسياسىنا قاتىسا الادى.

وتىنىمدەر urker-awards.kz رەسمي سايتىندا 12 نوميناتسيا بويىنشا قابىلدانادى:

* جىلدىڭ ۇزدىك سۇحباتى

* جىلدىڭ ۇزدىك رەپورتاجى

* الەۋمەتتىك تاقىرىپتاعى ۇزدىك ماتەريال

* جىلدىڭ ۇزدىك جۋرناليستىك زەرتتەۋى

* جىلدىڭ ۇزدىك اناليتيكالىق ماتەريالى

* راديوستانتسياداعى ۇزدىك جوبا

* جىلدىڭ ۇزدىك فوتوسۋرەتى

* جىلدىڭ ۇزدىك جاڭالىقتار پورتالى

* ۇزدىك وڭىرلىك باق

* حالىقارالىق باق-تا قازاقستان تۋرالى جاريالانعان ۇزدىك ماتەريال (باسپا، راديو، ينتەرنەت-جۋرناليستيكا سالاسىندا)

* ۇزدىك پودكاست

* ۇزدىك YouTube كانالى

جۇمىستاردى بەدەلدى جۋرناليستەر، سالانىڭ ەڭبەك سىڭىرگەن قايراتكەرلەرى مەن حالىقارالىق مەدياساراپشىلاردان قۇرالعان تاۋەلسىز قازىلار القاسى باعالايتىن بولادى.

كونكۋرس قورىتىندىسى بويىنشا ءار نوميناتسيانىڭ جەڭىمپازىنا «ۇركەر» - 2024 ەستەلىك مۇسىنشەسى مەن 1 000 000 تەڭگە كولەمىندە اقشالاي سىياقى تابىستالادى.

«URKER» - باسپا، راديو، ينتەرنەت-جۋرناليستيكا سالاسىنداعى ۇزدىك جەتىستىكتەر ءۇشىن بەرىلەدى، ايماقتارداعى مۋلتيمەديالىق جۋرناليستيكانى دامىتۋعا ىقپال ەتۋگە، جۋرناليستيكا مارتەبەسىن ارتتىرۋعا، كاسىبي ستاندارتتار مەن كريتەريلەردى بەكىتۋگە، ازاماتتىق بەلسەندىلىكتى ارتتىرۋعا باعىتتالعان.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz