الماتىدا حالىقارالىق جاستار كۇنى مەن «جاستارمەن بىرگە» ۇلتتىق جاستار ونكۇندىگى اياسىندا قالانىڭ بەلسەندى جاستارىنىڭ قاتىسۋىمەن BBQ فورماتىندا كەزدەسۋ ءوتتى.

ءىس-شاراعا الماتى قالاسى اكىمىنىڭ ورىنباسارى ازامات قالدىبەكوۆ، كوميۋنيتي ورتالىقتارىنىڭ باسشىلارى، الماتى قالاسى اكىمىنىڭ جانىنداعى جاستار كەڭەسىنىڭ مۇشەلەرى، ۇەۇ باسشىلارى، ەرىكتىلەر جانە بەلسەندى جاستار قاتىستى.

«بۇل كەشتىڭ ەرەكشەلىگى جاستارمەن اشىق اسپان استىندا ەركىن فورماتتا كەزدەسۋ بولدى. بۇگىن جاستار نەبىر جاقسى ۇسىنىستار مەن جوبالار ۇسىندى. مەن ارقاشان ءبىزدىڭ جۇمىسىمىزعا تىڭ سەرپىن بەرەتىن جوبالاردى اشىق تالقىلاۋعا جانە قولداۋعا دايىن ەكەنىمدى جەتكىزگىم كەلەدى. قالامىزدىڭ دامۋىنا قوسقان ۇلەستەرىڭىز ءۇشىن سىزدەرگە العىس ايتامىن. حالىقارالىق جاستار كۇنىمەن قۇتتىقتايمىن!» – دەدى الماتى قالاسى اكىمىنىڭ ورىنباسارى ازامات قالدىبەكوۆ.

ءىس-شارا بارىسىندا جىل بويى قالامىزدىڭ قوعامدىق ءومىرى مەن جاستار ساياساتىنىڭ دامۋىنا ۇلەس قوسقان بەلسەندى جاستارعا قالا اكىمى ەربولات دوساەۆتىڭ اتىنان العىس حاتتار تابىس ەتىلدى.

«الماتى – جاستار قالاسى، سوندىقتان بۇل مەرەكەنىڭ ءبىز ءۇشىن ماڭىزى ەرەكشە. بىزگە ەرەكشە كوڭىل ءبولىنىپ، قولداۋ كورسەتىلىپ جاتقانى قۋانتادى. بۇگىن ەڭ بەلسەندى جاستارعا العىس حاتتار تابىس ەتىلدى. كۇش-جىگەرىمىزدىڭ ەلەنىپ، قولداۋ تاۋىپ جاتقانى ءبىزدى ودان ءارى ىنتالاندىرىپ، دامۋعا ۇمتىلدىرادى. وسىنداي ءىس-شارالار ءجيى وتكىزىلىپ تۇرسا ەكەن دەيمىن»، – دەدى الماتى قالاسىنىڭ ەرىكتىسى ەلدار بايعابىلوۆ.

ءىس-شارا سوڭىندا قاتىسۋشىلار تانىسۋعا مۇمكىندىك الىپ، ۇيىمداستىرۋشىلار ۇسىنعان ءدامدى تاعامداردان ءدام تاتتى.

«جاستارمەن بىرگە» ۇلتتىق جاستار ونكۇندىگى اياسىندا 3-12 تامىز ارالىعىندا قالادا 50 مىڭنان استام جاستىڭ قاتىسۋىمەن 60-تان استام ءارتۇرلى فورماتتاعى ءىس-شارا ءوتتى.

اتاپ ايتقاندا، جاستاردىڭ open air «JAS FEST» فەستيۆالى، قالا اۋداندارىندا اشىق اسپان استىندا وتكەن كينوكورسەتىلىمدەر، «ALMALY NIGHT» ينتەللەكتۋالدىق ويىنى، «JasBol» فۋتبول ءتۋرنيرى جانە تاعى باسقا ءىس-شارالار ۇيىمداستىرىلدى.

Abai.kz