الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا گۇلميرا ساتىبالدىنىڭ ءىسى بويىنشا سوت تەرگەۋى اياقتالدى، دەپ حابارلايدى Ulysmedia.kz.

سوت پروتسەسى كەزىندە 17 وتىرىس وتكىزىلگەن.

– سوت تەرگەۋدى اياقتاپ، جارىسسوزدەردى تاعايىنداۋ جونىندە قورىتىندىعا كەلەدى. باياندالعاننىڭ نەگىزىندە سوت قارالىپ جاتقان ءىس بويىنشا سوت تەرگەۋىن اياقتاۋ جونىندە شەشىم قابىلدادى، - دەدى سۋديا.

سوت جارىسسوزدەرى 22 تامىزدا تاڭعى 10-دا باستالادى.

گۇلميرا ساتىبالدى دەگەن كىم؟

52 جاستاعى گۇلميرا ساتىبالدى - قازاقستاننىڭ ەكس-پرەزيدەنتى نۇرسۇلتان نازارباەۆتىڭ جيەنى قايرات ساتىبالدىنىڭ بۇرىنعى ايەلى. 2005 جىلعا دەيىن قايرات ساتىبالدىمەن نەكەدە تۇرعان. ماماندىعى – مۇعالىم. ورتاق ءۇش بالالارى بار (ۇلى باۋىرجان جانە ەكى قىزى: ارۋجان مەن داريا).

قازاقستاننىڭ سىبايلاس جەمقورلىققا قارسى قىزمەتى قايرات ساتىبالدىنى قاماۋعا العاننان كەيىن ارادا بىرنەشە كۇن وتكەندە گ.ساتىبالدى بيزنەستى رەيدەرلىك باسىپ الدى دەگەن كۇدىكپەن ۇستالدى. پروكۋروردىڭ ايتۋىنشا، تەرگەۋ بارىسىندا ول قازاقستاننان قاشۋعا تىرىسقان.

كەيىنىرەك ۆەدومستۆو ءىس رەيدەرلىكتەن باسقا، شىمكەنت جولاۋشىلار كولىگى جانە اۆتوموبيل جولدارى باسقارماسىنىڭ ناقتى ورىندالماعان قۇرىلىس-مونتاج جۇمىستارى ءۇشىن تولەنگەن 741 ملن بيۋدجەت قاراجاتىن ۇرلاۋ بويىنشا ءوتىپ جاتقانىن ايتتى. گۇلميرا ساتىبالدى بۇل ءىس بويىنشا مەملەكەتكە كەلتىرىلگەن زالالدى وتەگەن.

ول نە ءۇشىن سوتتالادى؟

وسى سوت پروتسەسى اياسىندا گۇلميرا ساتىبالدىعا قىلمىستىق كودەكستىڭ بىرنەشە ەپيزودى بويىنشا ايىپ تاعىلۋدا: اۋىر زارداپتارعا اكەپ سوققان وزبىرلىق (389-باپ، 3-بولىك); قىلمىستىق قۇقىق بۇزۋشىلىقتى ۇيىمداستىرۋ (28-باپتىڭ 3-بولىگى); ادامدار توبىمەن الدىن الا ءسوز بايلاسۋ ارقىلى ادام ۇرلاۋ (125-باپتىڭ 2-بولىگى 1.8-بولىگى).

سوتتالۋشىنىڭ ءوتىنىشى بويىنشا سوت پروتسەسى بارىسىندا گۇلميرا ساتىبالدىنى فوتو جانە ۆيدەوعا تۇسىرۋگە جانە جاريالاۋعا تىيىم سالىندى.

Abai.kz