كوللەكتورلار تۋرالى تەلەنوۆەللا قازاقستاندىقتاردى ءتۇسىرىلىم كەزىندە دە بەي-جاي قالدىرمادى. ونىڭ تۇساۋكەسەرى 19 تامىز كۇنى ساعات 22.00-دە بولادى.

بيىل كۇزدە "31 ارنانىڭ" كورەرمەندەرىن وتاندىق سەريالدار، كوپتەن كۇتكەن رەاليتي-شوۋلاردىڭ جاڭا ماۋسىمدارى، قازاقستاندىق ەكسكليۋزيۆ كينو، سونداي-اق شەتەلدىك ۇزدىك كوركەم فيلمدەر مەن انيماتسيالاردىڭ پرەمەراسى كۇتىپ تۇر. بۇل ورايدا، تەلەۆيزيالىق جاڭا ماۋسىم بۇگىن ساعات 22.00-دە ارنانىڭ ءوز تۋىندىسى – "Qaryz" سەريالىنىڭ پرەمەراسىمەن باستالادى.

"جاز بويى 31 ارنا ۇجىمى ءارتۇرلى جانرداعى سەريالداردى ءتۇسىردى. ولاردىڭ قاتارىندا "نارحوز. ستۋدەنت كوكە", وتاندىق تەلەۆيزياداعى ءساتتى رەاليتي-شوۋلاردىڭ ءبىرى – "كەلىندەر بايگەسىنىڭ" جالعاسى بار، وسىمەن بۇل – سەگىزىنشى ماۋسىم. 31 ارنانىڭ جاڭا ماۋسىمى "Qaryz" اتتى 10 سەريالى درامامەن اشىلادى. ول 19 تامىز، ياعني بۇگىن كەشكە پرايم-تايمدا كورسەتىلەدى", – دەدى 31 ارنا باس ديرەكتورىنىڭ ورىنباسارى انار يبراەۆا.

فوتوسۋرەتتى 31 ارنانىڭ ديرەكتسياسى ۇسىندى

"Qaryz" سەريالىنىڭ سيۋجەتى اۋىر جاراقاتتان كەيىن سپورتتىق مانسابىن اياقتاۋعا ءماجبۇر بولىپ، ءوزىنىڭ ومىردەگى جاڭا ورنىن ىزدەگەن بوكسشىعا نەگىزدەلگەن. كوپ ۇزاماي ول كوللەكتورلىق اگەنتتىككە جۇمىسقا تۇرادى. قىزمەت بارىسىندا كەيىپكەرىمىز سەرىكتەسىمەن بىرگە ادامداردان قارىزدىڭ قانداي قاتال جولدارمەن وندىرىلەتىنىن كورەدى. ونىڭ ءارتۇرلى ءادىسى بار. بورىشكەرلەرمەن ءاربىر كەزدەسۋ نەسيەنى قايتارۋشىلار ءۇشىن، كليەنتتەر ءۇشىن دە ناعىز سىناققا اينالادى. وسىنداي جۇمىس بارىسىندا ءبىر كۇنى ولار اناسىنان ايىرىلعان كىشكەنتاي قىزدى جولىقتىرادى. بۇل وقيعا ولاردىڭ جان دۇنيەسىنىڭ ەڭ نازىك قىلىن قوزعاپ، جاناشىرلىق سەزىمىن وياتادى. ءبىر ساتتە كەيىپكەرلەر قىزعا كومەكتەسۋگە دە دايىن بولادى. ولاردىڭ الدىندا ناعىز ديلەمما تۇر: كومەك قولىن سوزىپ، تاپسىرمانى ورىنداي الماۋ نەمەسە نۇسقاۋ بويىنشا ارەكەت ەتىپ، ادام ءومىرىن قۇربان ەتۋ.

سەريال ءاربىر اقشالاي قارىزدىڭ ارتىندا ونىڭ سوماسىنا قاراماستان، جەكە حيكايالارى مەن پروبلەمالارى بار شىنايى ادامداردىڭ تۇرعانىن انىق كورسەتەدى.

"سيۋجەت شىنايى وقيعالارعا نەگىزدەلگەن. فيلمدە كورسەتىلگەن جاعدايلار مەن كەيىپكەرلەر ەلىمىزدىڭ ازاماتتارىنىڭ ءپروتوتيپى. سەريالدا حالىقتىڭ قارىزعا شامادان تىس جۇكتەلۋى، قارجىلىق ساۋاتسىزدىق، تۇرمىستىق زورلىق-زومبىلىق، ۇرپاقتار اراسىنداعى كيكىلجىڭ ماسەلەلەرى كورسەتىلەدى. بۇل – قازىرگى قازاق قوعامى ءومىر ءسۇرىپ جاتقان شىنايى الەم. بۇل حيكايادان ءار ادام ءوزىن نەمەسە ءوزىنىڭ توڭىرەگىن كورە الادى. سەريالدىڭ باستى ماقساتى – قازاقستاندىقتارعا ءبىر-ءبىرىنىڭ ماسەلەسىنە بەي-جاي قاراماۋ، وزگەنى سىيلاۋ، بىلىمگە ۇمتىلۋ يدەياسىن جەتكىزۋ", – دەدى سەريالدىڭ ستسەناريسى نۇرجىگىت حايدار.

قازاقستاندىقتاردى نەمقۇرايلى دەپ ايىپتاۋعا بولمايتىنىن ايتا كەتۋ كەرەك. بۇل ءتۇسىرىلىم كەزىندە انىق بەلگىلى بولدى.

"كوللەكتورلار قارىزىن وتەۋ ءۇشىن كوپبالالى وتباسىنىڭ پاتەرىن تارتىپ الاتىن ساحنانى ءتۇسىرۋ كەزىندە ءتۇسىرىلىم بولعان عيماراتتىڭ تۇرعىندارى جاناشىرلىق تانىتىپ، "كورشىلەردى" جاقتاپ شىقتى. بەي-جاي قارامايتىن ادامدار سەريالدىڭ ءتۇسىرىلىمى ەكەنىن بىلگەن سوڭ عانا ساباسىنا ءتۇستى", – دەدى سەريالدىڭ قويۋشى رەجيسسەرى ءارى پروديۋسەرى ازامات ەرجانۇلى.

"Qaryz" سەريالىنىڭ باس كەيىپكەرلەرىن نە كۇتىپ تۇر؟ 19 تامىزدان باستاپ ساعات 22:00-دە 31 ارناسىندا "مۇكجيدەك ءشارباتى" سەريالىنان كەيىن تاماشالاڭىز!

Abai.kz