پرەزيدەنت جولداۋىن ىسكە اسىرۋ: 9 مىڭنان استام قازاقستاندىققا ارنايى الەۋمەتتىك تولەم تاعايىندالدى. بۇل تۋرالى ۇكىمەتتىڭ ءباسپاسوز قىزمەتى حابارلادى.

2024 جىلعى 1 قاڭتاردان باستاپ مەملەكەت باسشىسىنىڭ تاپسىرماسى بويىنشا زياندى ەڭبەك جاعدايلارىندا جۇمىس ىستەيتىن قىزمەتكەرلەردىڭ الەۋمەتتىك تۇرعىدا قورعالۋىن ارتتىرۋ جونىندەگى جۇيەلى شارالاردى ىسكە اسىرۋ ءۇشىن قازاقستاندا ارنايى الەۋمەتتىك تولەم ەنگىزىلدى.

ارنايى تولەمدى تاعايىنداۋ ءۇشىن 55 جاسقا تولۋى جانە بجزق-دا كەمىندە 7 جىل مىندەتتى كاسىپتىك زەينەتاقى جارنالارىنىڭ بولۋى مىندەتتى شارت بولىپ سانالادى.

بۇگىنگى تاڭدا زياندى ەڭبەك جاعدايلارىندا ۇزاق ۋاقىت جۇمىس ىستەگەن 9145 ازاماتقا 1,7 ملرد تەڭگە سوماسىنا ارنايى الەۋمەتتىك تولەم تاعايىندالدى.

تولەم 4 كوزدەن – رەسپۋبليكالىق بيۋدجەتتەن، بىرىڭعاي جيناقتاۋشى زەينەتاقى قورىنان، جۇمىس بەرۋشىدەن جانە ءومىردى ساقتاندىرۋ كومپانياسىنان جۇرگىزىلەدى.

ارنايى تولەم تاعايىنداۋعا ءوتىنىش بىلدىرگەندەردىڭ ەڭ كوبى قاراعاندى (1696 ادام), قوستاناي (1180 ادام), شىعىس قازاقستان (1132 ادام), پاۆلودار (1015 ادام), اقتوبە (599 ادام), اقمولا (566 ادام) جانە اباي وبلىستارىندا (505 ادام) تىركەلدى.  

ارنايى تولەمنىڭ ورتاشا مولشەرى شامامەن 208 مىڭ تەڭگەنى قۇرايدى. قىزمەتكەرلەر جالاقىنى دا، ارنايى تولەمدى دە الۋدى جالعاستىرا وتىرىپ، دەنساۋلىققا زيانى از جۇمىسقا اۋىسا الادى، نەمەسە ولار زەينەتاقى تاعايىندالعانشا تولەم الا وتىرىپ، دەمالىسقا شىعا الادى. ارنايى تولەم زەينەت جاسىنا دەيىن بەرىلەدى. زەينەتكەرلىككە شىققاننان كەيىن اتالعان ادامدارعا بجزق-دان تولەنەتىن تولەمدەرگە قوسىمشا مەملەكەتتىك بازالىق جانە ىنتىماقتى زەينەتاقى تاعايىندالاتىن بولادى.

Abai.kz