استانالىقتارعا جارتى ملرد تەڭگە شىعىن كەلتىرگەن الاياق 6 جىلعا باس بوستاندىعىنان ايىرىلدى، دەپ حابارلايدى  Abai.kz Azattyq.ruhy.kz-كە سىلتەمە جاساپ.

41 جاستاعى ايەل تۇتىنۋ كووپەراتيۆىن تىركەپ، سالىمشىلاردى كومپانيا قىزمەتپەن زاڭدى تۇردە اينالىساتىنىنا سەندىرگەن. ايەل ءتىپتى كەڭسەنى جالعا الىپ، الەۋمەتتىك جەلىدە جارنامالاردى بەلسەندى تۇردە تاراتقان.

«الاياق «وتباسى»، «50-دە 50»، «تەز ارادا ءبولىپ تولەۋ» جانە «جيناق» دەگەن باعدارلامالاردى ويلاپ تاۋىپ، سول ارقىلى تۇرعىن ءۇي ساتىپ الۋعا كومەكتەسەمىز دەپ ۋادە بەرگەن. وسىلايشا، ينۆەستورلار ارنايى اشىق شوتىنا اقشا اۋدارعان، ال ءوز پايداسىن كوزدەگەن الاياق بۇل اكتيۆتەردى كەيبىر ينۆەستورلاردىڭ ەسەبىنەن تاراتۋ ارقىلى استانا، اقمولا وبلىسى، اقتاۋ جانە اتىراۋ قالالارىنان كەزەكتە تۇرعان باسقا ينۆەستورلارعا باسپانا ساتىپ اپەرگەن. وسىلايشا ول كەزەگى كەلمەي قالعان 16 سالىمشىعا جالپى سوماسى 525 ميلليون تەڭگەگە جۋىق ماتەريالدىق شىعىن كولەمىندە زيان كەلتىرىلگەن»، - دەدى سەمەي قالاسىنداعى قاۋىپسىزدىگى بارىنشا تومەن مەكەمە باستىعىنىڭ ورىنباسارى نۇرىم باياحمەتوۆ.

سوت ونى قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىپ، 6 جىلعا باس بوستاندىعىنان ايىرۋ جازاسىن تاعايىندادى. سوتتالعان سەمەي قالاسىنداعى قاۋىپسىزدىگى بارىنشا تومەن مەكەمەدە جازاسىن وتەۋ ءۇشىن كەلگەن.

«ونىمەن تۇسىندىرۋ جۇمىستارى جۇرگىزىلۋدە. ول تۇرمىس قۇرماعان، كامەلەتكە تولماعان ءبىر ۇلى بار»، – دەدى نۇرىم باياحمەتوۆ.

 Abai.kz