قۇجاتتاعى سانداردان بيۋدجەت كىرىسىنىڭ التى ايداعى جوسپارى 11,5 ترلن تەڭگە بولعانىمەن، قازىناعا تۇسكەنى 10,2 ترلن تەڭگە ەكەنىن كورۋگە بولادى. ياعني، بيۋدجەت كىرىسىنىڭ تاپشىلىعى 1.29 ترلن تەڭگە بولعان.

جوسپاردىڭ ورىندالماۋىنا سالىق تۇسىمدەرىنىڭ ويداعىداي بولماۋى قاتتى اسەر ەتكەن – 7,75 ترلن تەڭگەنىڭ ورنىنا 6,06 ترلن تەڭگە كىرگەن. ياعني، سالىق تۇسىمدەرىنىڭ تاپشىلىعى 1,69 ترلن تەڭگەگە دەيىن جەتكەن. الايدا مەملەكەت مەنشىگىندەگى اكتيۆتەردىڭ كىرىسى، بيۋدجەت كرەديتتەرىنىڭ سىياقىسى سياقتى سالىقتىق ەمەس تابىستار ارتىعىمەن ورىندالعان – 120,6 ملرد تەڭگەنىڭ ورنىنا 876,8 ملرد تەڭگە تۇسكەن.

ال ۇلتتىق قوردان الىنۋى كەرەك بولعان 3,4 ترل تەڭگەنىڭ ورنىنا 2,9 ترلن تەڭگە يگەرىلگەن.

وسىنىڭ ءبارى بيۋدجەت شىعىسىنىڭ دا تولىق ورىندالماۋىنا اسەر ەتسە كەرەك – 13,6 ترلن تەڭگەنىڭ ورنىنا 12,9 ترلن جۇمسالعان.

Abai.kz