بۇل شابۋىلدار پورت پەن التىن-مىس كەنىشى سياقتى قىتايدىڭ ءىرى جوبالارى ورنالاسقان رەسۋرستارعا باي وڭتۇستىك-باتىس پروۆينتسياسىن بولۋگە ماجبۇرلەۋ ءۇشىن ونداعان جىلدار بويى كوتەرىلىس جۇرگىزگەن ەتنيكالىق سودىرلاردىڭ سوڭعى جىلدارداعى ەڭ ءىرىسى بولدى.

– بۇل شابۋىلدار پاكىستاندا انارحيا قۇرۋدىڭ جاقسى ويلاستىرىلعان جوسپارى، - دەدى ىشكى ىستەر ءمينيسترى موحسين ناكۆي.

پاكىستان اسكەريلەرى ۇلكەن تاس جولدا اۆتوبۋستار مەن جۇك كولىكتەرىنە جاسالعان ەڭ ءىرى شابۋىلدان كەيىنگى شايقاستا 14 سارباز بەن پوليتسيا جانە 21 سودىردىڭ قازا تاپقانىن حابارلادى.

بەلۋدجيستاننىڭ باس ءمينيسترى 38 بەيبىت تۇرعىننىڭ دا قازا تاپقانىن ايتتى. جەرگىلىكتى بيلىكتىڭ حابارلاۋىنشا، جولاۋشىلاردىڭ جەكە كۋالىكتەرىن تەكسەرگەننەن كەيىن قارۋلى ادامدار كوبىسىن اتىپ تاستاپ، كولىكتەرىن ورتەپ جىبەگەن. ولاردىڭ 23-ءى جول بويىنداعى شابۋىلدا قازا تاپقان.

– ادامداردى اۆتوبۋستاردان ءتۇسىرىپ، وتباسىلارىنىڭ كوزىنشە ءولتىردى، – دەدى باس مينيستر سارفراز بۋگتي تەلەديدارداعى ءباسپاسوز ءماسليحاتىندا.

– پروۆينتسيا استاناسىن پاكىستاننىڭ قالعان بولىگىمەن بايلانىستىراتىن تەمىرجول كوپىرىندەگى جارىلىستان كەيىن كۆەتتاعا تەمىرجول قاتىناسى توقتاتىلدى. سودىرلار كورشىلەس يرانمەن تەمىرجول قاتىناسىنا دا شابۋىل جاسادى، – دەپ حابارلادى تەمىر جول وكىلى مۇحامماد كاشيف.

پوليتسيانىڭ حابارلاۋىنشا، ولار تەمىرجول كوپىرىندەگى شابۋىل بولعان جەردىڭ ماڭىندا ءالى بەلگىسىز التى ءمايىتتى تاپقان.

«حارۋف» نەمەسە «قارا جەلدى داۋىل» دەپ اتاعان وپەراتسيا ءۇشىن جاۋاپكەرشىلىكتى بەلۋدجيستاندى ازات ەتۋ ارمياسى (BLA) سودىرلارى ءوز موينىنا الدى.

Abai.kz