«اتوم ەلەكتر ستانتسياسى تۇراقتى ەنەرگەتيكانى قامتاماسىز ەتەدى. كەز كەلگەن ينۆەستور تۇراقتى ەلەكتر ەنەرگياسىنا نازار اۋداراتىنى تۇسىنىكتى. ويتكەنى زاۋىتتار توقتاۋسىز جۇمىس ىستەۋ كەرەك. ياعني بەلگىلەنگەن ەكسپورتتىق شارتتاردى ورىنداۋعا وسى ەنەرگيا تۇراقتىلىعى تىكەلەي بايلانىستى. ءبىز الەمدىك دەڭگەيدەگى زاۋاتتاردى تارتاتىن بولساق، ولارعا تۇراقتى ەگەرگيانى ۇسىنا الۋىمىز قاجەت»، - دەدى ە. بەيسەنباەۆ پارلامەنت پالاتالارىنىڭ بىرلەسكەن وتىرىسىنان كەيىن.

ونىڭ ايتۋىنشا، قازىر الەمدەگى الپاۋىت ەلدەر اەس-تەن باس تارتپايدى.

«پارتيادا اەس قۇرىلىسىنا قاتىستى ءتيىستى تالداۋ جاسادىق. قازاقستانعا سوڭعى بۋىندى تەحنولوگيا نەگىزىندەگى ستانتسيا كەرەك. ونى وڭتۇستىك كورەيا، رەسەي، قىتاي جانە فرانتسياداعى كومپانيالار جۇزەگە اسىرا الادى. ءبىز اەس سالاتىن مەملەكەتتەردى ىرىكتەگەن كەزدە، ستانتسيانىڭ جابدىقتارىنىڭ باسىم بولىگى سول ەلدە وندىرىلۋىنە نازار اۋدارۋىمىز قاجەت. بۇدان بولەك، ەگەر بۇل مەملەكەت الداعى ۋاقىتتا بولشەكتەردى قامتاماسىز ەتۋدە پروبلەما بولماۋى ءتيىس. سول سەبەپتى وسىنداي ماڭىزدى جاعدايعا ءمان بەرگەن ابزال»، - دەدى دەپۋتات.