10 جىل ىشىندە قازاقستاندا وتباسى سانى 1,5 ميلليوننان استامعا ءوستى.

2021 جىلعى ۇلتتىق حالىق ساناعىنىڭ قورىتىندىسى بويىنشا، وتباسىلار سانى 5 578 947 قۇرادى، دەدى مادەنيەت جانە اقپارات ۆيتسە-ءمينيسترى ەۆگەني كوچەتوۆ.

2009 جىلعى ساناق دەرەكتەرىنە سايكەس، رەسپۋبليكاداعى وتباسىلار سانى 4 022 388 قۇرادى. وسىلايشا، بۇل كورسەتكىش 10 جىل ىشىندە 1,5 ميلليوننان استامعا ءوستى، - دەدى سپيكەر وكق الاڭىندا وتكەن ءباسپاسوز ماجىلىسىندە.

ونىڭ ايتۋىنشا، اجىراسۋ سانىنىڭ تومەندەۋى بايقالادى: سوڭعى 5 جىلدا 48,6%-عا ازايعان. ساۋالناما ناتيجەلەرى بويىنشا، قازاقستاندىقتاردىڭ 95,4% وتباسىلىق قارىم-قاتىناسقا قاناعاتتانادى. قازاقستاندىق وتباسىلاردىڭ باستى قۇندىلىقتارى: ءبىر-بىرىنە قامقورلىق جاساۋ، ءوزارا سىيلاستىق، قولداۋ كورسەتۋ، ماحاببات جانە بالالار.

سونىمەن قاتار، اكەلەردىڭ بالا تاربيەسىنە قاتىسۋى ارتقان. بالالاردى تاربيەلەۋ كەزىندە وتباسىلار كوبىنەسە ەڭبەكقورلىق، ادالدىق، ۇلكەندەردى قۇرمەتتەۋ، ءوزىن-ءوزى قۇرمەتتەۋ، باسقالاردى قۇرمەتتەۋ سياقتى قاسيەتتەرگە نازار اۋدارادى.

Abai.kz