الماتى وبلىسىندا بىلتىر جەرگىلىكتى اكىمدىكتىڭ شەشىمىمەن 50 ورىندىق تۇرمىستىق زورلىق-زومبىلىق قۇرباندارىنا الەۋەتتىك كومەك كورسەتۋ ورتالىعى اشىلدى.

ورتالىق  قيىن ومىرلىك جاعدايعا تاپ بولعان ايەلدەرگە قولداۋ كورسەتىپ قانا قويماي، ولاردى جۇمىسپەن قامتۋدى كوزدەيدى. ورتالىق باستاماسىنا «حالىق» قايىرىمدىلىق قورى قولداۋ كورسەتتى. 28 تامىز كۇنى قور قولداۋىمەن جابدىقتالعان تىگىن تسەحى مەن شاشتاراز كابينەتىاشىلدى.

سۋرەت: «حالىق» قايىرىمدىلىق قورى

ورتالىق ديرەكتورى راۋشان الپىسباەۆا  قىز-كەلىنشەكتەرگە كاسىپ ۇيرەتۋ  جايىندا باستاما كوتەرگەندە «حالىق» قايىرىمدىلىق قورىنىڭ دەر كەزىندە كومەككە كەلگەنىن ەرەكشە اتاپ ءوتتى.

«وسى ورتالىقتان پانا ىزدەپ كەلگەن قىز-كەلىنشەكتەرگە قولداۋ كەرەك دەپ تىگىن تسەحى مەن شاشتاراز اشۋعا ۇسىنىسپەن شىققان كەزدە «حالىق» قايىرىمدىلىق قورى كومەك قولىن بىردەن سوزدىق.  قىز-كەلىنشەكتەردىڭ تىگىن مەن شاشتاراز ءىسىن مەڭگەرۋىن قولدايمىز. ءبىزدىڭ قوردىڭ دا نەگىزگى ماقساتى – «بالىق بەرۋ ەمەس، قارماق ۇستاتۋ». قور باسشىلارى سىزدەردىڭ سۇرانىستارىڭىزعا ساي قاجەتتى قۇرال-جابدىقپەن تولىق قامتىپ وتىر»، - دەدى شارادا «حالىق» قايىرىمدىلىق قورى الماتى وبلىسى فيليالىنىڭ ديرەكتورى عالىمبەك جاقسىلىقوۆ.

الماتى وبلىسى اكىمىنىڭ كەڭەسشىسى ءلاززات سالىقوۆا بۇنداي ورتالىقتاردى قوعام بولىپ قولداۋدىڭ ماڭىزىنا توقتالدى.

«حالىق» قايىرىمدىلىق قورى الەۋمەتتىك جوبالاردى ۇدايى قولداپ كەلەدى.  قورىنىڭ ارقاسىندا وسىنداعى  قىز-كەلىنشەكتەر جاڭا دۇنيە ۇيرەنىپ، ءبىلىم-بىلىكتىلىكتەرىن جەتىلدىرەدى»، - دەدى وبلىس اكىمىنىڭ كەڭەسشىسى، «قامقور جۇرەك» قوعامدىق بىرلەستىگىنىڭ ءتورايىمى ءلاززات سالىقوۆا.

سۋرەت: «حالىق» قايىرىمدىلىق قورى

الماتى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ايگۇل احمەتوۆا ەكى جىل بۇرىن قۇرىلعان ورتالىقتا 8 ءتۇرلى قىزمەت كورسەتىلەتىنىن اتاپ ءوتتى. باسقارما باسشىسىنىڭ ايتۋىنشا، ورتالىققا وتكەن جىلى 156 ادام جۇگىنگەن. بيىلدىڭ وزىندە 143 قىز-كەلىنشەككە كومەك كورسەتىلگەن.

«ەكى اي بۇرىن «حالىق» قايىرىمدىلىق قورىمەن ارىپتەستىك بايلانىس ورناتىپ، مەموراندۋمعا قول قويعان ەدىك. مىنە، كوپ ۋاقىت وتپەي ناتيجەسىن كورىپ وتىرمىز. تىگىن تسەحىن، شاشتاراز اشۋعا قاجەت بارلىق قۇرال-جابدىقتارمەن قامتىدى. كومەك قولىن سوزعان «حالىق» قايىرىمدىلىق قورىنا العىسىمىز شەكسىز»، - دەدى ايگۇل احمەتوۆا.

اتاپ وتكەن ءجون، دينارا جانە تيمۋر قۇلىباەۆتاردىڭ جەتەكشىلىگىمەن قۇرىلعان «حالىق» قايىرىمدىلىق قورى وسى ۋاقىتقا دەيىن الەۋمەتتىك جوبالارعا 85 ملرد تەڭگەدەن استام قارجى بولگەن.

Abai.kz