استانادا يسلام دامۋ بانكى، ساۋد ارابياسىنىڭ دامۋ قورى، وپەك حالىقارالىق دامۋ قورى، كۋۆەيت ەكونوميكالىق دامۋ قورى جانە ابۋ-دابي دامۋ قورى سىندى ينستيتۋتتاردى بىرىكتىرەتىن اراب ۇيلەستىرۋ توبىنىڭ ء(اۇت) وتىرىسى ءوتتى.

ءىس-شاراعا قر پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ، يسلام دامۋ بانكى توبىنىڭ پرەزيدەنتى مۇحاممەد سۋلەيمان ءال-دجاسسەر، اراب ينۆەستيتسيالىق قورلارى مەن ەلىمىزدىڭ مەملەكەتتىك ورگاندارى ءارى كۆازيمەملەكەتتىك كومپانيالاردىڭ باسشىلارى قاتىستى.

كەزدەسۋدىڭ باستى ماقساتى اراب ۇيلەستىرۋ توبىنىڭ قازاقستان ءۇشىن باسىمدىققا يە ينفراقۇرىلىمدىق جانە الەۋمەتتىك جوبالاردى قارجىلاندىرۋى بولدى.

سۋرەت: primeminister.kz

نۇرلان بايبازاروۆ ءوزىنىڭ العى سوزىندە ەلىمىزدىڭ ينۆەستيتسيالىق مۇمكىندىكتەرىنە قىزىعۋشىلىق تانىتقانى ءۇشىن اراب ۇيلەستىرۋ توبىنا العىس ءبىلدىردى.

«بۇگىن قازاقستان رەسپۋبليكاسىندا اراب ۇيلەستىرۋ توبىنىڭ ءبىرىنشى دوڭگەلەك ۇستەل وتىرىسىن وتكىزۋ ارقىلى بەرىك ءارى ۇزاق مەرزىمدى ىنتىماقتاستىق باعىتىندا بىرلەسكەن العاشقى قادام جاسايمىز. قولداۋلارىڭىز بەن ىنتىماقتاستىققا دايىن بولۋلارىڭىز ءبىز ءۇشىن ماڭىزدى ەلىمىزدىڭ الەۋەتىن مويىنداۋ بولىپ تابىلادى»، — دەدى ول.

دوڭگەلەك ۇستەل بارىسىندا كولىك، ەنەرگەتيكا، سۋ رەسۋرستارى، دەنساۋلىق ساقتاۋ سالالارىنداعى جوبالار تانىستىرىلدى، سونداي-اق قازاقستاننىڭ 2030 جىلعا دەيىنگى ۇلتتىق ينفراقۇرىلىمدىق جوسپارى ۇسىنىلدى.

سۋرەت: primeminister.kz

ءوز كەزەگىندە اراب ۇيلەستىرۋ توبى دەلەگاتسياسىنىڭ وكىلدەرى ەلىمىزدىڭ الەۋمەتتىك-ەكونوميكالىق جانە ينفراقۇرىلىمدىق دامۋ جونىندەگى كۇش-جىگەرىن جوعارى باعالادى.

كەزدەسۋ قورىتىندىسى بويىنشا تاراپتار دوڭگەلەك ۇستەل وتىرىسىنىڭ حاتتاماسىنا، وپەك قورىمەن جەكە سەكتورداعى وپەراتسيالار تۋرالى نەگىزدەمەلىك كەلىسىمگە جانە سۋ رەسۋرستارى جانە يرريگاتسيا مينيسترلىگى مەن يسلام دامۋ بانكى اراسىنداعى كەلىسسوزدەر حاتتاماسىنا قول قويدى. قول قويىلعان قۇجاتتار ودان ءارى ىنتىماقتاستىق سالالار مەن الەۋەتتى جوبالاردىڭ الدىن الا تىزبەسىن ايقىندايدى.

سۋرەت: primeminister.kz

سۋرەت: primeminister.kz

قول جەتكىزىلگەن ۋاعدالاستىقتار اياسىندا قازاقستان ەكونوميكاسىنا ۇزاق مەرزىمدى تىكەلەي ينۆەستيتسيالاردىڭ سوماسى باستاپقى كەزەڭدە $7 ملرد قۇراۋى مۇمكىن. بولاشاقتا قارجىلاندىرۋ كولەمىن ۇلعايتۋ جوسپارلانۋدا.

قورىتىندىلاي كەلە، نۇرلان بايبازاروۆ قازاقستان ەكونوميكاسىنىڭ تۇراقتى دامۋىنا جانە ەلدەر اراسىنداعى ەكونوميكالىق بايلانىستى نىعايتۋعا ىقپال ەتەتىن اۋقىمدى جوبالاردى ىسكە اسىرۋدا ارىپتەستىك قاتىناس پەن ءوزارا ءتيىمدى ىنتىماقتاستىقتى ساقتاپ، ودان ءارى نىعايتۋعا سەنىم ءبىلدىردى.

Abai.kz