قوعامداعى حاراسسمەنت ماسەلەسى زاڭعا نورما بولىپ ەنسە، ونى جازالاۋدا جان-جاقتى تەرگەۋ جانە تەكسەرۋ كەرەك. بۇل تۋرالى سەنات دەپۋتاتى الىشەر ساتۆالديەۆ ءمالىم ەتتى، دەپ حابارلايدى Abai.kz  Azattyq-ruhy.kz-كە سىلتەمە جاساپ.

«مەنىڭ جەكە پىكىرىم، ويىم، تۇجىرىرىم - قازاقى ورتاداعى تاربيەمىزدىڭ ارقاسىندا مۇندايعا بارماۋىمىز كەرەك. بۇل جەردە باستى ماسەلە – ادامنىڭ تاربيەسى مەن ىشكى جىگەرى. ىشىندەگى تاربيە مىقتى بولۋى كەرەك. وتباسىدا جاس كەزىمىزدەن سول نارسەنى بويىمىزعا ءسىڭىرۋ كەرەك. ارينە، باتىس  وركەنيەتى مەن عالامدانۋدىڭ ءبىر بەلگىسى رەتىندە ونى زاڭعا ەنگىزۋ ماسەلەسى كەرەك. بىراق ونى اسىرا سىلتەۋدىڭ قاجەتى جوق دەپ ويلايمىن»، - دەدى ول جۋرناليستەردىڭ سۇراعىنا جاۋاپ بەرە وتىرىپ.

«ەگەر حاراسسمەنتكە قارسى نورما كۇشىنە ەنىپ جاتسا، كۇلىمدەپ قاراعان كەز كەلگەن ادام جازالانىپ كەتۋى مۇمكىن دەپ ويلايسىز با؟» دەگەن سۇراققا دەپۋتات بۇل ماسەلەدە ۇقىپتى بولۋ كەرەك دەگەن پايىمىن جەتكىزدى.

«بۇل ماسەلەدە ۇقىپتى بولۋ كەرەك. بىرەۋدى قارالاعاننان كەيىن جالا جابۋ بولۋى مۇمكىن. بۇنىڭ ءبارىن قۇقىق قورعاۋ ورگاندارى ايعاق ارقىلى دالەلدەۋى كەرەك»، - دەدى ول.

Abai.kz