ءىس-شاراعا قر تۋريزم جانە سپورت ءمينيسترى ەربول مىرزابوسىنوۆ، قر مادەنيەت جانە اقپارات ۆيتسە-ءمينيسترى ەۆگەني كوچەتوۆ، تۇركى مەملەكەتتەرى ۇيىمىنىڭ باس حاتشىسى كۋبانىچبەك ومىراليەۆ، سونىمەن قاتار ءازىربايجان، قىرعىزستان، تۇركيا، وزبەكستان، تۇرىكمەنستاننىڭ سالاعا جاۋاپتى مينيسترلەرى مەن وكىلدەر قاتىستى.

جيىندا ءسوز سويلەگەن ەۆگەني كوچەتوۆ تۇركى مەملەكەتتەرىنىڭ ۇيىمى حالىقتاردىڭ بىرلىگى مەن باۋىرلاستىعىنىڭ سيمۆولى ەكەنىن، بۇل باۋىرلاستىقتى ساقتاۋدا جانە نىعايتۋدا جاستار شەشۋشى ءرول اتقاراتىنىن اتاپ ءوتتى.

– بويىندا ەڭبەكقورلىق، ءبىلىم الۋعا ۇمتىلىسى بار، ادامنىڭ قادىر-قاسيەتىنىڭ ءمانىن تەرەڭ تۇسىنەتىن جانە اتا-بابا داستۇرلەرىن قۇرمەتتەيتىن جاستار – ءبىزدىڭ ورتاق ءۇمىتىمىز. تۇركى ەلدەرىنىڭ ىنتىماقتاستىعىن نىعايتۋ ماقساتىندا جىل سايىن كەزەكپەن قازاق-تۇرىك جاستار كوپىرى وتەدى.

كەلەسى 2025 جىلى تۇركى مەملەكەتتەرى ۇيىمىنىڭ جاس كوشباسشىلار، جاس كاسىپكەرلەر فورۋمدارىندا، جاستار پلاتفورماسىندا، سونداي-اق كوپجاقتى جاستار الماسۋ باعدارلاماسىندا تمۇ-عا قاتىسۋشى ەلدەردىڭ جاستارىن قابىلداۋعا قۋانىشتىمىز، – دەدى ەۆگەني كوچەتوۆ.

جيىندا سپورت سالاسىنداعى ىنتىماقتاستىقتى نىعايتۋعا، جاستار ساياساتى مەن سپورت سالاسىنداعى جاڭا جوبالاردى دايىنداۋعا نەگىز بولاتىن پىكىرلەر مەن تاجىريبەلەر ورتاعا سالىندى.

Abai.kz