قازاقستان سىبايلاس جەمقورلىققا قارسى مەملەكەتتەر توبى (گرەكو) ەۋروپا كەڭەسىمەن ءوزارا ارەكەتتەسە وتىرىپ، سىبايلاس جەمقورلىققا قارسى زاڭنامانى جانە قۇقىق قولدانۋ پراكتيكاسىن جەتىلدىرۋ بويىنشا جۇمىستار جۇرگىزۋدە.

ەستەرىڭىزگە سالا كەتەيىك، قازاقستان 2020 جىلدىڭ قاڭتار ايىنان باستاپ گرەكو-نىڭ ورتالىق ازياداعى جالعىز وكىلى بولىپ تابىلادى.

الدىڭعى باعالاۋ 2021 جىلى 1 جانە 2 راۋندتاردى بىرىكتىرە وتىرىپ جۇرگىزىلدى. ۇسىنىمداردىڭ ورىندالۋى تۋرالى ەسەپ 2023 جىلدىڭ 6 قىركۇيەگىندە ەۋروپا كەڭەسىنىڭ جانە سىبايلاس جەمقورلىققا قارسى قىزمەتتىڭ سايتتارىندا جاريالاندى.

3-ءشى راۋند ساياسي پارتيالاردى قارجىلاندىرۋدىڭ اشىقتىعىنا جانە سىبايلاس جەمورلىق ارەكەتتەرىن كريميناليزاتسيالاۋعا ارنالعان ماسەلەلەرگە ارنالادى.

10-13 قىركۇيەك ارالىعىندا ساراپشىلار پرەزيدەنت اكىمشىلىگىنىڭ، پارلامەنتتىڭ، مەملەكەتتىك جانە قۇقىق قورعاۋ ورگاندارىنىڭ، سۋديالار كورپۋسىنىڭ، ساياسي پارتيالاردىڭ، ۇكىمەتتىك ەمەس ۇيىمداردىڭ جانە عىلىمي قوعامداستىقتىڭ وكىلدەرىمەن كەزدەسەدى.

گرەكو-نىڭ باعالاۋ توبىنا فرانتسيا، يسپانيا، حورۆاتيا، رۋمىنيانىڭ وكىلدەرى، سونداي-اق گرەكو حاتشىلىعىنىڭ جاۋاپتى ورىنباسارى لاۋرا سانز-لەۆيا باستاعان قىزمەتكەرلەر كىردى.

سىبايلاس جەمقورلىققا قارسى قىزمەتتىڭ توراعاسى ا. جۇماعالي مونيتورينگتىك توپپەن كەزدەسۋدە قازاقستاننىڭ گرەكو-عا مۇشەلىگىنىڭ ماڭىزدىلىعىن اتاپ ءوتىپ، ساراپشىلاردىڭ ەلدىڭ سىبايلاس جەمقورلىققا قارسى جۇيەسىن نىعايتۋ مەن دامىتۋعا قوسقان ۇلەسىن ايتتى.

باعالاۋ توبى ۆيزيت اياقتالعاننان كەيىن ەۋروپا كەڭەسىنىڭ سىبايلاس جەمقورلىققا قارسى ستاندارتتارىن ەسكەرە وتىرىپ، قازاقستان رەسپۋبليكاسىنىڭ زاڭناماسىن جانە ونى قولدانۋ پراكتيكاسىن جەتىلدىرۋ جونىندە ەسەپ پەن ءتيىستى ۇسىنىمدار دايىندايتىن بولادى.

Abai.kz