«بىلتىرعى ناۋرىز ايىنان قازىرگە دەيىن 16 مىڭعا جۋىق ادام بانكروت دەپ تانىلدى. جالپى، 110 مىڭنان استام ادام ءوتىنىم بەردى. اتاپ ايتقاندا، بانكروتتىق ءراسىمىن جەڭىلدەتۋگە باعىتتالعان جاڭا تۇزەتۋلەردى قابىلدادىق، ياعني قۇجاتتار بويىنشا تالاپتار ازايدى. وسىدان كەيىن ءوتىنىم بەرەتىندەر سانى وسەدى دەگەن ويدامىز»، - ەرجان ءبىرجانوۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ەسكە سالساق، 2023 جىلى 3 ناۋرىزدان بانكروتتىققا ءوتىنىم قابىلداۋ باستالادى.

اتاپ ايتقاندا، ەلىمىزدە قارىز ماسەلەسىن شەشۋدىڭ 3 ءراسىمى ەسكەرىلگەن، ياعني سوتتان تىس بانكروتتىق، سوت ارقىلى بانكروتتىق جانە تولەم قابىلەتىن قالپىنا كەلتىرۋ جولدارى بار. سوتتان تىس بانكروتتىق بانك، ميكروقارجى ۇيىمدارى مەن كوللەكتورلىق اگەنتتىكتەر الىنداعى 1 600 اەك-تەن (5,9 ملن تەڭگەدەن اسپاسا) تومەن بەرەشەك بويىنشا قولدانىلادى. بۇل ءىس-شارا 6 ايعا سوزىلادى. ونىڭ بارىسىندا بورىشكەردىڭ شوتتارىنداعى قاراجاتقا، مۇلىككە قاتىستى مونيتورينگ جاسالادى.

Abai.kz