بۇگىن پاۆلودار قالاسىنداعى «ءماشھۇر ءجۇسىپ» ورتالىق مەشىتىندە قازاقستان مۇسىلماندارى ءدىني باسقارماسىنىڭ ۇيىمداستىرۋىمەن قۇران كارىمدى جاتقا جانە مانەرلەپ وقۋدان ءحىىى رەسپۋبليكالىق بايقاۋى مارەسىنە جەتتى.

80 ۇمىتكەر قاتىسقان بايقاۋدىڭ جەڭىمپازدارى مەن جۇلدەگەرلەرىن ماراپاتتاۋ راسىمىنە قمدب توراعاسى، باس ءمۇفتي ناۋرىزباي قاجى تاعانۇلى، ساۋاپتى ءىس-شاراعا دەمەۋشىلىك جاساعان باحاريدين ابلازيموۆ، زيالى قاۋىم وكىلدەرى قاتىستى.

«قازاق ەلى ەرتەدەن قۇران دەسە قۇلاعى ءتۇرۋلى تۇراتىن، اللانىڭ ءسوزىن قۇرمەت تۇتاتىن حالىق. كىمنىڭ ۇيىنە بارساڭىز دا تورىندە قۇران ءىلۋلى تۇرادى، ال ونى بىرەۋ وقىسا، ۇيىپ تىڭدايدى. «اعراف» سۇرەسىندەگى: «قاشان قۇران وقىلسا، وعان قۇلاق سالىپ تىڭداڭدار دا ۇندەمەڭدەر. ارينە مەيىرىمگە بولەنەرسىڭدەر» دەگەن اياتقا امال ەتكەن اتا-بابامىزدىڭ جولى بىزگە دە ءناسىپ بولىپ وتىر.

اللاعا سانسىز شۇكىر، ەلىمىزدە جىل ساناپ قاريلارىمىزدىڭ قاتارى ارتىپ كەلەدى. تاۋەلسىزدىك العان جىلدارى قۇران وقي الاتىن ادامدارعا توردەن ورىن بەرسەك، ودان كەيىن ونىڭ بىرنەشە پاراسىن جاتتاپ العان، تاعى ءبىر كەزەڭدە قۇراندى تولىق جاتتاعان قاريلارعا ايرىقشا قۇرمەت كورسەتىلدى. ال بۇگىنگى تاڭدا قۇران وقۋدان يجازاسى بار قاري كورسەك، جۇرەگىمىز ەلجىرەيدى. وسى بايقاۋدى وتكىزۋگە دەمەۋشى بولعان باحاريدين نۇعمانۇلىنا، سادۋاقاس ولجاباەۆ قاريىمىز باستاعان ادىلقازى مۇشەلەرىنە العىسىمدى بىلدىرەمىن. بايقاۋعا قاتىسقان قاريلارىمىزدىڭ ءبارى جەڭىمپاز اتاندى دەپ سانايمىن. ويتكەنى بۇل بايقاۋ ءاربىر قاريعا ۇلكەن جىگەر سىيلادى. جۇلدەلەرىڭىز قۇتتى بولسىن» دەدى باس ءمۇفتي ماراپاتتاۋ راسىمىندە.

سونىمەن قازىلار القاسىنىڭ شەشىمىمەن 4 اتالىم بويىنشا جەڭىس تۇعىرىنان كورىنگەن قاريلاردىڭ ءتىزىمى تومەندەگىدەي:

«مانەرلەپ وقۋ» بويىنشا:

ءى ورىن ( 700 000 تەڭگە) – سالامات يمانعاليەۆ (اتىراۋ وبلىسى)

ءىى ورىن (500 000 تەڭگە) – ابىلقاسىم ءابدىراحمانۇلى (قاراعاندى وبلىسى)

ءىىى ورىن (300 000 تەڭگە) – ءاليحان مۇراتوۆ (پاۆلودار وبلىسى)

«10 پارا» بويىنشا:

ءى ورىن (1 500 000 تەڭگە) – دىنمۇحامەد ابىشەۆ (استانا قالاسى)

ءىى ورىن (1 000 000 تەڭگە) – مۇحامەدالي شاكىروۆ (الماتى وبلىسى)

ءىىى ورىن (750 000 تەڭگە) – نۇريسلام تۇراجانوۆ (تۇركىستان وبلىسى)

«20 پارا» بويىنشا:

ءى ورىن (3 000 000 تەڭگە) – ارسەن ەسىمبەك (قاراعاندى وبلىسى)

ءىى ورىن (2000 000 تەڭگە) – اسادۋللا ەمينتاەۆ (شىمكەنت قالاسى)

ءىىى ورىن (1 500 000 تەڭگە) – ماحمۇت مىرزاحمەت (تۇركىستان وبلىسى)

ءىV ورىن (800 000 تەڭگە) – ماحامبەت تاسبولاتوۆ (اقتوبە وبلىسى)

V ورىن (500 000 تەڭگە) – ابدۋلباسيت ماۆۋ (جامبىل وبلىسى)

«30 پارا» بويىنشا:

ءى ورىن (اۆتوكولىك) – ابىلقايىر جۇبان (الماتى قالاسى)

ءىى ورىن (4 000 000 تەڭگە) – ابدۋلازيز يلحامجانوۆ (شىمكەنت قالاسى)

ءىىى ورىن (3 000 000 تەڭگە) – مانسۇرحان ءۋاليحان (استانا قالاسى)

ءىV ورىن (1 500 000) – نۇرتىلەۋ سەيىتقاسىم (قاراعاندى وبلىسى)

V ورىن (1000 000) – دياس ايتماحان (جامبىل وبلىسى)

ەسكە سالا كەتەيىك، ەكى كۇنگە سوزىلعان قۇران بايقاۋى «Munara TV» تەلەارناسىنان تىكەلەي ەفيردە جانە «مۋفتيات قمدب» YouTube-ارناسىنان ونلاين كورسەتىلدى.

Abai.kz