الماتى: تاعى ءبىر ستۋدەنت ءوز-وزىنە قول جۇمسادى
الماتىدا تاعى ءبىر ستۋدەنت قايتىس بولدى. بۇل تۋرالى Almaty Management University ءباسپاسوز قىزمەتى حابارلادى.
- ۋنيۆەرسيتەت ستۋدەنتىنىڭ قايتىس بولعانى تۋرالى قايعىرىپ حابارلايمىز. قازىرگى ۋاقىتتا وقيعانىڭ سەبەپتەرى مەن ءمان-جايلارىن قۇقىق قورعاۋ ورگاندارى انىقتاپ جاتىر. ۋنيۆەرسيتەت وقيعانىڭ بارلىق ءمان-جايىن انىقتاۋ ءۇشىن قۇقىق قورعاۋ ورگاندارىنا تولىق جاردەم كورسەتەدى، - دەپ حابارلادى Almaty Management University.
الماتى قالاسى پوليتسيا دەپارتامەنتى ستۋدەنت ولىمىنە بايلانىستى قىلمىستىق ءىس قوزعالعانىن حابارلادى.
- اتالعان دەرەك بويىنشا بوستاندىق اۋداندىق پوليتسيا باسقارماسى قىلمىستىق ءىس قوزعادى. وقيعانىڭ سەبەبى مەن ءمان-جايى انىقتالىپ جاتىر، - دەپ حابارلادى قالالىق پد.
Abai.kz
