قارجىلىق مونيتورينگ اگەنتتىگىنىڭ الماتى وبلىسى بويىنشا دەپارتامەنتى وبلىستىق پروكۋراتۋرامەن بىرلەسىپ، «شاڭىراق» قوعامدىق بىرلەستىگىنىڭ باسشىسى الساسبەك سادىربايدىڭ اسا ءىرى مولشەردە اقشا جىمقىرۋمەن بايلانىستى الاياقتىق ارەكەتىن اشكەرەلەدى.

اگەنتتىڭ ءباپاسوز قىزمەتىنىڭ حابارلاۋىنشا، ا.سادىرباي باسقاراتىن ادامدار توبى بالقاش، ەڭبەكشىقازاق، كەگەن، رايىمبەك جانە ۇيعىر اۋداندارىندا جالعان اۋىل شارۋاشىلىعى كووپەراتيۆتەرىن قۇردى دەگەن كۇدىك كەلتىرىلىپ وتىر.

نەگىزگى ماقسات - ۇساق مالدىڭ انالىق باسىن ۇرىقتاندىرۋعا سۋبسيديالاردى زاڭسىز الۋ جانە جەمشوپ شىعىندارىن وتەۋ. بۇل ءۇشىن زاڭناماعا قايشى اۋىلشارۋاشىلىق جەرلەرى جوق شارۋا قوجالىقتارى تارتىلدى.

بۇدان ءارى جالعان كاداسترلىق نومىرلەردى كورسەتە وتىرىپ، دايەكسىز مالىمەتتەردى قامتيتىن سۋبسيديالار الۋعا وتىنىمدەر قاشىقتان بەرىلدى.

بۇل رەتتە اۋىل شارۋاشىلىعى كووپەراتيۆتەرى باسشىلارىن حاباردار ەتپەي، ولاردىڭ ەتسق-سى پايدالانىلدى.

«وسىلايشا 1,2 ملرد تەڭگەدەن استام قاراجات ۇرلانعان. ا.سادىرباي ۇستالدى. ونىڭ سىبايلاسى تەرگەۋ سوتىنىڭ سانكتسياسىمەن ءۇي قاماۋىندا. قپك-ءنىڭ 201-بابىنا سايكەس وزگە دە مالىمەتتەر جاريا ەتىلۋگە جاتپايدى»، -دەلىنگەن حابارلامادا.

ايتا كەتەيىك، الماسبەك سادىرباي بۇعان دەيىن اۋىل شارۋاشىلىعى جونىندە پىكىرلەرىن اشىق ايتىپ، مينيسترلىكتى سىنعا الىپ جۇرگەن قوعام بەلسەندىسى.

Abai.kz