پاۆلودار قالاسىندا Mercedes اۆتوكولىگىنىڭ 42 جاستاعى جۇرگىزۋشىسى ءىرى كولەمدەگى - 2 ميلليون تەڭگەدەن اساتىن ايىپپۇلمەن ۇستالدى.

Polisia.kz حابارلاعانداي، جول ەرەجەسىن ورەسكەل بۇزعان جەرگىلىكتى تۇرعىن نازارباەۆ داڭعىلىندا پوليتسيا قىزمەتكەرلەرىنىڭ نازارىنا ىلىكتى.

"قىسقا مەرزىم ىشىندە جۇرگىزۋشى جول ەرەجەسىن شامامەن 30 رەت بۇزعان. ايىپپۇلداردىڭ جالپى سوماسى 2 ميلليون تەڭگەدەن اسىپ ءتۇستى. كەي جاعدايلاردا ول كولىگىن اسا جوعارى جىلدامدىقپەن ايداعان. اۆتوكولىك شەتەلدە تىركەلگەن. قازىرگى تاڭدا كولىك قۇرالى مامانداندىرىلعان ايىپپۇل تۇراعىنا قويىلدى، ال جۇرگىزۋشى بارلىق ايىپپۇلداردى تولىق تولەۋگە مىندەتتى. ماسەلەن، قازان ايىندا جۇرگىزۋشى ومبى تاسجولىندا جىلدامدىق رەجيمىن بۇزىپ، ەلدى مەكەن ىشىندە 60 كم/ساع شەكتەلگەن جىلدامدىق ورنىنا 93 كم/ساع جىلدامدىقپەن جۇرگەن", - دەپ مالىمدەدى پاۆلودار وبلىسى پد اكىمشىلىك پوليتسيا باسقارماسىنىڭ باستىعى بوريس الىمباەۆ.

پوليتسيا قىزمەتكەرلەرى جازانىڭ بۇلتارتپاستىعى قاعيداتىن تاعى دا ەسكە سالىپ، جول قوزعالىسىنا قاتىسۋشىلاردى جول ەرەجەلەرىن قاتاڭ ساقتاۋعا شاقىردى. بۇل وقيعا جول قوزعالىسى ەرەجەلەرىنىڭ ساقتالۋىنىڭ ماڭىزدىلىعىن جانە جۇرگىزۋشىلەردىڭ وتەلمەگەن ايىپپۇلدار ءۇشىن جاۋاپكەرشىلىگىن ەسكە سالادى.

ەلدى مەكەندەردەگى جىلدامدىقتى ارتتىرۋ بارلىق جول قوزعالىسىنا قاتىسۋشىلاردىڭ قاۋىپسىزدىگىنە ايتارلىقتاي قاۋىپ توندىرەدى. ايتا كەتەرلىگى، بيىل پاۆلودار پوليتسەيلەرى ايىپپۇلدارىن تولەمەگەنى ءۇشىن 42 كولىكتى ايىپپۇل تۇراعىنا قويدى. بارلىق ايىپپۇلداردى وتەگەننەن كەيىن كولىكتەر يەلەرىنە قايتارىلدى.

Abai.kz