قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ اسكەري قىزمەتشىلەرىن بىرىڭعاي ءتۇستى جانە بىرىڭعاي ستيلدەگى دالالىق كيىم نىسانىنا كوشىرۋ العاش رەت جۇزەگە اسىرىلدى.

جاڭا كيىم نىسانى – جاقسارتىلعان فۋنكتسيونالدىلىق پەن جايلىلىق (جەلدەن قورعاۋ ءۇشىن تىك جاعا ەنگىزىلدى، قوسىمشا بولشەكتەر الىنىپ تاستالدى، قالتالار فۋنكتسيونالدى بولدى).

نىساننىڭ بۇركەمەلەۋ قاسيەتتەرىن ارتتىردى. وندا كليماتتىڭ جانە ايماقتىڭ گەوگرافيالىق ەرەكشەلىكتەرى ەسكەرىلدى.

جاڭا ماتا سۋعا، ايازعا جانە جەلگە ءتوزىمدى قاسيەتتەرگە يە.

ايىرىم بەلگىلەرى ەندى Velcro ءتيپتى جاپسىرماعا بەكىتىلەدى.

كاپيۋشونى بار دەمي-ماۋسىمدىق دالالىق كۋرتكا جانە جاعاسى بار دالالىق جەمپىر پايدا بولدى.

قىسقى كيىم نىسانىنا تۇبەگەيلى وزگەرىستەر ەنگىزىلدى (ماتانىڭ قۇرامى وزگەرتىلدى، قالىڭ شالباردىڭ فۋنكتسيونالدىعى جاقساردى، جۇننەن جاسالعان قالپاق پەن قۇبىرشا شارف ەنگىزىلدى).

اسكەري باسقارۋ ورگاندارىنا ارنالعان جازعى كيىم نىسانىنا تاكتيكالىق ەتىك (كروسسوۆكا) جانە قۇم ءتۇستى قونىشتى ەتىك ەنگىزىلدى.

جابدىقتاۋ نورمالارىن وڭتايلاندىرۋ جىل سايىن 140 ملن تەڭگەنى ۇنەمدەۋگە مۇمكىندىك بەرەدى.

Abai.kz