كەي مەكتەپ-ينتەرناتتا بالالارعا سەگىز ساعات قۇران جاتتاتقان دەگەن دەرەك جەلىدە جاريا بولدى.

ول سەمەي مەكتەپتەرىندە ورىن العان، وعان سوت ارالاسىپ، شەشىم شىعارىلدى دەپ ايتىلادى...

قازاق ء"بىلىم الۋ - ينەمەن قۇدىق قازعانداي" دەپ بەكەر ايتپاسا كەرەك.

قازىرگى بالالار مەكتەپتەن باستاپ وتە كۇردەلى ءبىلىم جۇيەسىنە ەنۋدە.

ول - بەكىمەگەن سانا جۇيەسىنە ۇلكەن سالماق.

وسى كەزدە بالانى بىلىمگە، تياناقتىلىققا، تاباندىلىققا، ۇقىپتىلىققا، ءوز ءىسىن جوسپارلاي بىلۋگە، ۋاقىتتى ءتيىمدى پايدالانۋعا ۇيرەتۋ - وقۋدىڭ اجىراماس بولىگى.

بۇل كەزەڭ بالانىڭ بولاشاعى ءۇشىن اسا ماڭىزدى.

وسى كەزدە "جوعالتقان ۋاقىت" ەشقاشان قالپىنا كەلمەيدى.

ەسەيگەن كەزدە، ءبىر كەزدەرى بوس جىبەرگەن ۋاقىت پەن ورنى تولماي قالعان ءبىلىم ونىڭ الدىنان ۇنەمى شىعادى دا وتىرادى...

بالا سو كەزدە "اتتەڭ-اي!" دەپ وكىنەدى.

الايدا، ول اتا-اناسىن جازعىرماسا دا، ونىڭ سول وكىنىشىنە اتا-اناسى تىكەلەي جاۋاپتى بولادى...

قازىر مەكتەپ قابىرعاسىنان باستاپ، قازاق ءوز بالاسىنىڭ وقۋدان تىس ۋاقىتىن ونەرگە، نەمەسە، وسىنداي تانىمدىق سيپاتتاعى ۇيىرمەلەرگە بەرەتىن بولسا، نە پايدالى ەڭبەككە داعدىلاندىرسا - ول بالانىڭ وي ءورىسىن كەڭەيتەدى، سالاۋاتتى ەتەدى، جان-جاقتى وي قابىلەتىن ارتتىرادى، وزىنە جانە اينالاسىنا سىني قاراۋعا ۇيرەتەدى.

سەبەبى، اتا-انا ءار ۇيىرمەنى بالاسىنىڭ قابىلەتىنە قاراي تاڭدايدى.

سوندىقتان، ءوز قابىلەتىمەن ۇيلەسىم تاپقان ونەر نە ەڭبەك ءتۇرىن بالا قۋانا قابىلدايدى جانە مەڭگەرەدى...

ول ءوزىنىڭ وڭدى اسەرىن بالانىڭ ءبىلىم الۋىنا دا تيگىزەدى: كوپتەگەن ءبىلىم سالاسىن ول جەڭىل مەڭگەرە باستايدى...

وسى جاعدايدا "سىرتتان تاڭىلماعان" ءارى "بالا تاڭداۋىنا ساي" ءبىلىم الۋ جەڭىل، ەرىكتى-ەركىن سيپاتقا كوشەدى.

ەگەر، ءسىز جوعارىدا ايتىلعانداي، بالانىڭ التىن ۋاقىتىن دىنمەن ۇرلاساڭىز، كەي مەكتەپتەگىدەي تۇسىنبەيتىن تىلدە، تۇسىنىكسىز كىتار ءماتىنىن جاتتاتقىزىپ قويساڭىز - وندا ول بالا "جان دۇنيەسى ەركىنەن" اجىراۋ سەبەپتى - ومىرىندە ءبىلىمدى دە شەتكە ىعىستىرىپ تاستايدى...

ءوزى (ارينە، اتا-انا نە مەكتەپ ماجبۇرلەۋىمەن) تاپ بولعان "پسيحولوگيالىق تاۋەلسىزدىك" ونىڭ مەيىرىمسىز بولۋىنا، قاتالدانۋىنا اكەلەدى.

ول، ءبىلىم مەن ونەردەن تىس قالعان سەبەپتى، ونىڭ قالىبىمەن ءومىر سۇرمەيتىن، جۇزدەرى بال-بۇل جانعان قاتارلاستارىنا ىشتەي وشتەسە باستايدى...

اقىر سوڭى ونىڭ سوڭى اتا-اناسىنا دەگەن اگرەسسيامەن ۇشتاسادى...

بالادان تۇلعا شىعا المايدى

ءابدىراشيت باكىرۇلىنىڭ جەلىدەگى جازباسى

Abai.kz