كەلەر جىلى  ەلىمىزدەگى 900-دەن استام زاپاستاعى وفيتسەر اسكەري قىزمەتكە شاقىرىلادى.

2025 جىلى بارلىعى 915 زاپاستاعى وفيتسەرلەر شاقىرىلادى، ولاردىڭ 700 – ءى قارۋلى كۇشتەرگە، 80 – ءى ۇلتتىق قاۋىپسىزدىك كوميتەتىنىڭ شەكارا قىزمەتىنە، 131 – ءى ىشكى ىستەر مينيسترلىگىنىڭ ۇلتتىق گۆاردياسىنا جانە تورتەۋى توتەنشە جاعدايلار مينيسترلىگىنە شاقىرىلادى.

"2025 جىلى زاڭنامادا بەلگىلەنگەن تارتىپپەن اسكەري قىزمەتكە جارامدى جانە ونى وتكەرمەگەن زاپاستاعى وفيتسەرلەر وسى قاۋلىنىڭ قوسىمشاسىنا سايكەس سانىمەن وفيتسەرلەر قۇرامىنىڭ لاۋازىمدارىندا اسكەري قىزمەت وتكەرۋ ءۇشىن،  جيىرما ءتورت اي مەرزىمگە شاقىرىلسىن", –  دەلىنگەن ۇكىمەت قاۋلىسىندا.

مينيسترلەر كابينەتىنىڭ 20 قاراشاداعى قاۋلىسى قازاقستاننىڭ نورماتيۆتىك قۇقىقتىق اكتىلەرىنىڭ ەتالوندىق بانكىندە جاريالاندى جانە العاشقى رەسمي جاريالانعان كۇنىنەن كەيىن كۇنتىزبەلىك 10 كۇن وتكەن سوڭ قولدانىسقا ەنگىزىلەدى.

Abai.kz