ۇلدانا اجىبەكوۆا ءوزى تۇرىپ جاتقان دۇڭگىرشەكتىڭ جانىندا.

الماتى قالاسىنداعى ايمانوۆ پەن مىڭباەۆ كوشەلەرىنىڭ قيىلىسىندا ورنالاسقان دۇڭگىرشەكتى ۇلدانا اجىبەكوۆا بۇدان بەس جىل بۇرىن 50 مىڭ تەڭگەگە ساتىپ العان ەكەن. كوممۋنالدىق قىزمەت تۇرلەرىنەن تەك ەلەكتر جارىعى عانا تارتىلعان دۇڭگىرشەكتى ۇلدانا قىس مەزگىلىندە ەلەكتر پەشپەن جىلىتۋعا تىرىسادى.

ءتورت قىز، ءبىر ۇل وسىرگەن ۇلدانا اجىبەكوۆانىڭ جاسى قازىر 58-دە. ول وسىدان بەس جىل بۇرىن الماتىعا وڭتۇستىك قازاقستان وبلىسى سوزاق اۋدانىنان قونىس اۋدارعان. ءتورت قىزى دا تۇرمىس قۇرعان. 2000 جىلدىڭ 31-ءشى جەلتوقسانىندا 22 جاستاعى جالعىز ۇلى مەيرامبەكتى كوشەدە كولىك قاعىپ كەتىپ، قايتىس بولعان.
ۇلىنىڭ قازاسىن كوتەرە الماي ءبىر جىلدان كەيىن كۇيەۋى بەيسەن دە باقيلىق بولىپتى. سودان كەيىن ۇلدانا اۋىلدى جەردەگى ءۇيىن ساتىپ،

كۇنكورىس قامىمەن الماتىعا كەلگەن ەكەن. الايدا، ول الماتىعا كەلگەندە جەرتولەدە تۇرىپ جاتقان قىزدارىنىڭ ۇيىندە تۇرۋدان باس تارتقان.
- كۇيەۋ بالاممەن بىرگە تۇرا المادىم. قىزىڭدى ۇرىپ-سوعىپ، بوقتاپ جاتقاندا قايدا تىعىلارىڭدى بىلمەي قالادى ەكەنسىڭ. الماتىدا تۇرىپ جاتقان ەكىنشى قىزىم كۇيەۋىمەن اجىراسىپ كەتكەن.ول دا جەرتولەدە تۇرادى. مەن ولاردىڭ ءبىر بولمەسىنە بارىپ قالاي تۇرامىن؟ - دەيدى ۇلدانا اجىبەكوۆا ازاتتىق تىلشىسىنە.

جارىمجان قىز، جارىم كوڭىل انا

 ۇلدانا اجىبەكوۆا ءوزى تۇرىپ جاتقان دۇڭگىرشەكتىڭ جانىندا.

الماتى قالاسىنداعى ايمانوۆ پەن مىڭباەۆ كوشەلەرىنىڭ قيىلىسىندا ورنالاسقان دۇڭگىرشەكتى ۇلدانا اجىبەكوۆا بۇدان بەس جىل بۇرىن 50 مىڭ تەڭگەگە ساتىپ العان ەكەن. كوممۋنالدىق قىزمەت تۇرلەرىنەن تەك ەلەكتر جارىعى عانا تارتىلعان دۇڭگىرشەكتى ۇلدانا قىس مەزگىلىندە ەلەكتر پەشپەن جىلىتۋعا تىرىسادى.

ءتورت قىز، ءبىر ۇل وسىرگەن ۇلدانا اجىبەكوۆانىڭ جاسى قازىر 58-دە. ول وسىدان بەس جىل بۇرىن الماتىعا وڭتۇستىك قازاقستان وبلىسى سوزاق اۋدانىنان قونىس اۋدارعان. ءتورت قىزى دا تۇرمىس قۇرعان. 2000 جىلدىڭ 31-ءشى جەلتوقسانىندا 22 جاستاعى جالعىز ۇلى مەيرامبەكتى كوشەدە كولىك قاعىپ كەتىپ، قايتىس بولعان.
ۇلىنىڭ قازاسىن كوتەرە الماي ءبىر جىلدان كەيىن كۇيەۋى بەيسەن دە باقيلىق بولىپتى. سودان كەيىن ۇلدانا اۋىلدى جەردەگى ءۇيىن ساتىپ،

كۇنكورىس قامىمەن الماتىعا كەلگەن ەكەن. الايدا، ول الماتىعا كەلگەندە جەرتولەدە تۇرىپ جاتقان قىزدارىنىڭ ۇيىندە تۇرۋدان باس تارتقان.
- كۇيەۋ بالاممەن بىرگە تۇرا المادىم. قىزىڭدى ۇرىپ-سوعىپ، بوقتاپ جاتقاندا قايدا تىعىلارىڭدى بىلمەي قالادى ەكەنسىڭ. الماتىدا تۇرىپ جاتقان ەكىنشى قىزىم كۇيەۋىمەن اجىراسىپ كەتكەن.ول دا جەرتولەدە تۇرادى. مەن ولاردىڭ ءبىر بولمەسىنە بارىپ قالاي تۇرامىن؟ - دەيدى ۇلدانا اجىبەكوۆا ازاتتىق تىلشىسىنە.

جارىمجان قىز، جارىم كوڭىل انا

بۇرىن ۇلدانا وسى دۇڭگىرشەكتە كەنجە قىزىمەن تۇرىپتى. تۇرمىستا جولى بولماي، كۇيەۋىمەن اجىراسىپ كەتكەننەن كەيىن كەنجە قىزى ەكى بالاسىن الىپ، شەشەسىنىڭ جانىنا كەلگەن ەكەن. ۇلدانانىڭ ايتۋىنشا، تۇرمىس تاۋقىمەتىنەن جۇيكەسى توزعان قىزى تالاي رەت دۇڭگىرشەكتى ورتەپ جىبەرە جازداپتى. سوندىقتان ول قىزىن ەكى اي بۇرىن جۇيكە اۋرۋلارىن ەمدەيتىن ورتالىققا ورنالاستىرعاندىعىن ايتادى.
دۇڭگىرشەك تۇرعان كوشەدە جىلۋ قۇبىرلارىن اۋىستىرۋ جۇمىستارى ءجۇرىپ جاتقاندىقتان، اكىمشىلىكتەن كەلگەن وكىلدەر دۇڭگىرشەكتى ورنىنان الاتىنىن ەسكەرتكەن. اكىمشىلىك قىزمەتكەرلەرى ايەلگە جەرتولەدەن ءبىر باسپانا قاراستىرىپ كورەتىنىن جەتكىزىپتى، الايدا ۇلدانا جەرتولەدە تۇرۋعا ءۇزىلدى-كەسىلدى قارسىلىق تانىتىپ وتىر.
- جۇيكە اۋرۋىنا شالدىققان قىزىم جەرتولەنى ورتەپ جىبەرەدى نەمەسە جەرتولەدەگى كوپ كرانداردىڭ ءبىرىن بايقاۋسىزدا اعىتىپ جىبەرسە، باسىم بالەگە قالادى. ونىڭ ۇستىنە، جەرتولەدەن نەشە ءتۇرلى اۋرۋلار شىعىپ جاتقانىن تەلەديدارداعى جاڭالىقتاردان كۇندە بەرىپ جاتىر ەمەس پە؟ مۇنى مەنىڭ دەنساۋلىعىم كوتەرمەيدى. ونسىز دا سۋىقتان ەكى ساۋساعىم بۇگىلىپ قالعان، - دەيدى ۇلدانا.
ۇلدانانىڭ ءتورت قىزىنىڭ ءبىرى - گۇلميرا اۋلا سىپىرۋشى بولىپ جۇمىس ىستەيدى. وتباسىنداعى بەس ادام جەرتولەنىڭ اياداي عانا ءبىر بولمەسىندە تۇرادى ەكەن. ول دا اناسىنا كومەكتەسەتىندەي جاعدايى جوق ەكەنىن ايتادى.
- مەنىڭ ەكى بالام بار. كۇيەۋىمنىڭ دەنساۋلىعى ناشار. انام اۋىلدا كۇنىن كورە الماعان سوڭ وسىندا كەلگەن. زەينەتكەرلىككە ەندى عانا شىققالى وتىر. انام بازارعا شىعىپ ۇساق-تۇيەك ساتىپ، كۇنىن ارەڭ كورىپ ءجۇر. اۋىرىپ قالعان جاعدايدا ءدارىسىن الىپ بەرىپ، قولىمنان كەلگەنشە كومەكتەسىپ تۇرامىز. قازىر قۇبىر اۋىستىرىپ جاتقان جۇمىسشىلارعا تاماق جاساپ، ناپاقاسىن تاۋىپ ءجۇر، - دەيدى قىزى گۇلميرا.

نەمەرەسى اسەم اجەسىنىڭ ۇيىن قۇربىلارىنا كورسەتۋگە ۇيالادى

ال ۇلدانا اجىبەكوۆانىڭ نەمەرەسى اسەم اجەسىنە كەلىپ، كومەكتەسىپ تۇراتىنىن ايتادى.
- بوس ۋاقىتىمدا اجەمە كەلىپ، كومەكتەسىپ تۇرامىن. سۋىن تاسىپ، كىرىن جۋىپ بەرەمىن. شىنىمدى ايتسام، اجەمنىڭ وسىنداي دۇڭگىرشەكتە تۇرىپ جاتقانى مەنىڭ نامىسىما تيەدى. قۇربىلارىممەن تەك ساباققا بارعاندا عانا ارالاسامىن، - دەيدى ول.
الماتى قالاسى اكىمدىگىندەگى كاسىپكەرلىك جانە ونەركاسىپتى دامىتۋ ءبولىمىنىڭ باستىعى ايدىن ۇتباەۆ بولسا، ۇلدانا اجىبەكوۆانىڭ بۇل دۇڭگىرشەكتە بەس جىل بويى تۇرىپ كەلە جاتقانىنا كۇمانمەن قارايتىنىن جەتكىزدى. ونىڭ ايتۋىنا قاراعاندا، ۇلدانا شىمكەنتتە تۇراتىن قىزدارىنىڭ قولىنا بارۋعا كەلىسپەي وتىر.
- ول كىسىنى ءدال قازىر جەرتولەگە ورنالاستىرعانمەن، ول جەر سۋىق.. ال جۇمىسشىلاردىڭ ايتۋىنشا، بۇل دۇڭگىرشەك ازىرگە جۇمىسقا ەشقانداي كەدەرگى كەلتىرىپ تۇرعان جوق. بۇل كىسىنى تۇراقتى تىركەۋگە وتىرعىزۋ قيىن بولىپ تۇر. ەگەر بۇل ماسەلەنى شەشسەك، پاتەر كەزەگىنە تۇرعىزۋعا بولار ەدى، - دەيدى ايدىن ۇتباەۆ.
ۇلدانا اجىبەكوۆا اۋىلعا قايتىپ ورالعانىمەن، ول جاقتا كۇن كورۋ قيىن ەكەنىن ايتادى. سويتە تۇرا، ول وسى كۇنگە دەيىن قۇزىرلى ورگاندارعا ارىز جازىپ، باسپانا سۇراماعان ەكەن.

«ازاتتىق» راديوسى