ۇلىستىڭ ۇلى كۇنى
قاي كۇنى باستالدى ەكەن
قازاقتىڭ جاڭا ەراسى؟
بالكىم، وسى كۇن!
وسى كۇنمەن اشىپ دۇنيە ەسىگىن.
ەمەس بۇل عايسانىڭ كوككە ۇشقان كۇنى;
بولعانىنداي بۋددانىڭ ءبىر ۇلى كۇنى – شاعان.
ۇلىستىڭ ۇلى كۇنى-وسى كۇن
بالكىم، كۇنبي سارى وزەن بويىندا
قاسقىردىڭ ءسۇتىن ەمىپ;
تۋىلعان شىعار، بالكىم، وسى كۇنى
سولتۇستىكتە وعۇز قاعان.
وسىنداي-اق بولار ءبىر حالىقتىڭ تازا مەيرامى،
ەشقانداي ءدىن – جات كولەڭكە تۇسپەگەن.
قۇربان ايتى دا ەمەس بۇل يسلامياتتىڭ،
قايسى قازاق وسى كۇنى
ءوز كوجەسىن تويعانىنشا ىشپەگەن!
قاراڭدارشى، بالالار، سىرتقا شىعىپ،
سوقتالاندى ما ەكەن قار ەرىپ؟
كۇڭگەي شىعىپ، كەلۋشى ەدى عوي وندا،
وڭتۇستىكتەن ءبىر ەسكەك-جىلى جەلەمىك.
بىلگەن قانداي اتا-بابامىز
ءوزىنىڭ جىل باسىن،
كوكتەم مەن قىس – وسى ەكەۋىنىڭ ەسەبىن ايىرىپ!
قوسىپ بەرىڭدەر، اقساقالدار،
ءار ادامعا ءبىر-ءبىر جاس،
تۋىلعان كۇنى ەمەس،
ءدال وسى كۇنمەن جىل قايىرىپ!
ەستەرىڭدە مە سونداعى تەڭ قۇربىلار،
قىز-بوزبالا، مىرزا كەلىنشەكتەر
اتلاس، تورعىن، اسىل كيىپ سىلقىلداعان.
وتىراتىن وندا ءتور الدىندا دانا كارىلەر
ۇلىستىڭ ۇلى كۇنى – وسى كۇن
مىڭ ۇيدە مىڭ قازان شۇرقىلداعان.
ەمەس بۇل-عايسانىڭ كوككە ۇشقان كۇنى;
بولعانىنداي بۋددانىڭ ءبىر ۇلى كۇنى – شاعان.
ىشەيىك تۋىستار، ۇلىستىڭ ۇلى كۇنى – وسى كۇن
تويعانشا ءوز كوجەمىزدى
بولماس بىزگە مۇنان وتكەن كيەلى تاعام!
ومارعازى ايتان
Abai.kz
