جەتىسۋ وبلىسى قۇرىلعاننان بەرى وڭىردە الەۋمەتتىك ينفراقۇرىلىمداردىڭ جاي-كۇيى ەداۋىر جاقسارتىلىپ، الەۋمەتتىك نىسانداردى جاڭارتۋ 52% جەتتى. وسى ورايدا 15 جاڭا مەكتەپ سالىنىپ، ىسكە قوسىلدى. سونىڭ ناتيجەسىندە بەيىمدەلگەن مەكتەپتەر سانى 69-دان 39-عا دەيىن قىسقاردى. ال بيىل 1080 ورىندى 4 مەكتەپ پايدالانۋعا بەرىلەدى دەپ جوسپارلانعان، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

وبلىستا ءۇش اۋىسىمدى مەكتەپتەر جوق، دەگەنمەن وقۋشى ورىندارىنىڭ جەتىسپەۋشىلىگىنىڭ الدىن الۋ ماقساتىندا زاماناۋي ماتەريالدىق-تەحنيكالىق بازامەن جادىقتالعان جاڭا مەكتەپتەر سالۋ كەزەڭ-كەزەڭىمەن جۇزەگە اسىرىلۋدا.

سۋرەت: وبلىس اكىمى ءباسپاسوز قىزمەتىنىڭ ارحيۆىنەن الىندى.

ماسەلەن، وبلىس قۇرىلعالى بەرى 5310 ورىندى 15 مەكتەپ جاڭادان سالىنىپ، پايدالانۋعا بەرىلدى. اتاپ ايتقاندا، اقسۋ، سارقان، قاراتال اۋداندارى مەن تالدىقورعان قالاسىندا 2 مەكتەپتەن، كوكسۋ اۋدانىندا 3 مەكتەپ، پانفيلوۆ اۋدانىندا 4 مەكتەپ تۇرعىزىلدى. ونىڭ ىشىندە جاركەنت قالاسىنداعى «جايلى مەكتەپ» ۇلتتىق جوباسىمەن سالىنعان 1200 ورىندى مەكتەپ تە بار. سونىمەن قاتار بۇل جاڭا قۇرىلىستار بەيىمدەلگەن مەكتەپتەر ماسەلەسىن شەشۋگە ىقپال ەتىپ، ناتيجەسىندە اتالعان مەكتەپتەر سانى 69-دان 39-عا دەيىن قىسقاردى. سولاردىڭ ءبىرى سارقان اۋدانى بىرلىك اۋىلىندا سالىندى.

- مەكتەبىمىز وتە كەڭ، ەسكى عيماراتتا ەكى اۋىسىممەن وقىساق، جاڭا مەكتەپتە ءبىر اۋىسىممەن وقيمىز، ال تۇستەن كەيىن مەكتەپكە قوسىمشا ۇيىرمەلەرگە كەلەمىز. مەكتەپتە ءماجىلىس زالى، اسحانا، سپورت زال، زاماناۋي ءپان كابينەتتەرى — بارى بار. حيميا، بيولوگيا، فيزيكا سياقتى كابينەتتەردە قاجەتتى قۇرالدارمەن جابدىقتالعان زەرتحانالارمەن جۇمىس ىستەۋگە مۇمكىندىك الدىق. بۇرىنعى ەسكى مەكتەپتىڭ ستاديونىندا گازون الاڭى بولماعاندىقتان، جاڭبىر جاۋعاندا باتپاق بولىپ جاتاتىن دا ونداي كەزدە بالالار ۆولەيبول، باسكەتبول، فۋتبول ويناي المايتىن. قازىر مۇندا الاڭسىز ءبىلىم الۋعا، دەنە شىنىقتىرۋعا بارلىق مۇمكىندىك جاسالعان، - دەيدى بىرلىك ورتا مەكتەبىنىڭ 10 سىنىپ وقۋشىسى ءدىلناز تولەپبەرگەن.

سۋرەت: وبلىس اكىمى ءباسپاسوز قىزمەتىنىڭ ارحيۆىنەن الىندى.

بۇعان قوسا بيىل 13 ءبىلىم بەرۋ نىساننىڭ قۇرىلىسى جۇرگىزىلەدى. سونىڭ ىشىندە جىل سوڭىنا دەيىن الاكول اۋدانى دوستىق اۋىلىندا «جايلى مەكتەپ» جوباسىمەن، سول سياقتى اقسۋ اۋدانى كولتابان اۋىلىندا، پانفيلوۆ اۋدانى لەسنوۆكا اۋىلىندا، كەربۇلاق اۋدانى كوكساي اۋىلىندا جالپى سانى 1080 ورىندى 4 جاڭا مەكتەپ ىسكە قوسىلادى.

ەسكە سالساق، وڭىرلەردەگى جاڭا مەكتەپتەر قۇرىلىسىنا ەل پرەزيدەنت وڭ باعا بەرىپ، تالدىقورعانداعى ىنتىماق اۋىلىنداعى مەكتەپتى ۇلگى رەتىندە اتاپ كورسەتكەن بولاتىن.

جالپى، وڭىردە ءۇش جىلدا 270 الەۋمەتتىك نىسان جاڭادان سالىنىپ، جوندەلدى، سونىڭ ناتيجەسىندە ءبىلىم سالاسى نىساندارىن جاڭارتۋ 41,2% جەتتى.

سۋرەت: وبلىس اكىمى ءباسپاسوز قىزمەتىنىڭ ارحيۆىنەن الىندى.

سونىمەن قاتار ءبىلىم سالاسىنىڭ ماتەريالدىق-تەحنيكالىق بازاسىن جاقسارتۋمەن قاتار وقۋشىلاردىڭ تاربيەسىنە دە ەرەكشە ءمان بەرىلىپ وتىر. وسى ورايدا وبلىس اكىمىنىڭ باستاماسىمەن وڭىردە «نىڭسىاليزوۆ دليا سنيجەنيا ۋروۆنيادەپ-قۇقىق جۇمىسى جونىندەگى مەنتور جوباسى» قولعا الىنىپ، بۇگىندە مەكتەپتەردە 108 مەنتور جۇمىس ىستەيدى. ولار بالالار مەن جاسوسپىرىمدەردىڭ قۇقىقتارى مەن مىندەتتەرى، ناشاقورلىق پەن لۋدومانيانىڭ، بۋللينگ پەن كيبەربۋللينگتىڭ، سالاۋاتتى ءومىر سالتى، ماماندىق تاڭداۋ جانە كاسىپتىك باعدارلاۋ، كرەاتيۆتى ويلاۋ، قارجىلىق ساۋاتتىلىق سياقتى 9 باعىتتا تاريبە جۇمىسىن جۇرگىزىپ وتىر. سونىڭ ناتيجەسىندە 2023-2024 وقۋ جىلىنىڭ قورىتىندىسى بويىنشا وبلىستىق پوليتسيا دەپارتامەنتىنىڭ دەرەگىنە سايكەس پانفيلوۆ اۋدانىندا جاسوسپىرىمدەر قىلمىسى 4,4 ەسەگە، تالدىقورعان قالاسى اۋماعىندا 4,3 ەسەگە دەيىن تومەندەگەن.

جەتىسۋ وبلىسى اكىمىنىڭ ءباسپاسوز قىزمەتى.

Abai.kz