ءماجىلىس توراعاسى ەرلان قوشانوۆ ۇلى جەڭىستىڭ مەرەيتويىنا وراي رەسەي فەدەراتسياسىنىڭ ەلشىلىگى ۇيىمداستىرعان قابىلداۋعا قاتىستى. پالاتا سپيكەرى قازاق جاۋىنگەرلەرىنىڭ ەرلىگى، تاريحي ەستەلىكتەردى جادىمىزدا ساقتاۋدىڭ جانە مۇنداي قايعىلى وقيعالاردىڭ قايتالانۋىنا جول بەرمەۋدىڭ ماڭىزدىلىعى تۋرالى ايتىپ بەردى. 

رەسەي فەدەراتسياسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى الەكسەي بوروداۆكيننىڭ اتىنان ۇيىمداستىرىلعان قابىلداۋ قازا تاپقان باتىرلاردى ءبىر مينۋت ۇنسىزدىكپەن ەسكە الۋدان باستالدى. 

سۋرەتتى تۇسىرگەن – ج. جۇمابەكوۆ.

قازاقستان مەن رەسەي كوشباسشىلارى جەڭىستىڭ 80 جىلدىعىنىڭ ءبىزدىڭ ەلدەرىمىز ءۇشىن تاريحي ماڭىزىن بىرنەشە مارتە اتاپ وتكەن بولاتىن. بۇل – ءبارىمىز ءۇشىن قاستەرلى، تاريحىنىڭ تامىرى تەرەڭدە جاتقان ايتۋلى كۇن. سەبەبى وسىناۋ سۇراپىل جىلدارى اكەلەرىمىز بەن اتالارىمىز ورتاق ماقسات – ۇلى جەڭىس ءۇشىن باتىلدىق پەن بىرلىكتىڭ ەرەن ۇلگىسىن كورسەتتى. سوعىستىڭ سالقىن لەبى شىنىمەن ءار قازاقستاندىق شاڭىراققا اسەر ەتتى. سوندىقتان جەڭىمپازداردىڭ – سوعىس ارداگەرلەرى مەن تىل ەڭبەككەرلەرىنىڭ وسىنداي ەرجۇرەك بۋىنى جونىندەگى ەستەلىك قازاقستانداعى ءار ۇيدە بۇگىنگە دەيىن سەزىلەدى، – دەدى ەرلان قوشانوۆ. 

ءماجىلىس سپيكەرى قازاقستاندىقتاردىڭ ءناتسيزمدى جەڭۋدەگى ەلەۋلى ۇلەسىن ەسكە سالدى. سول ۋاقىتتا ەلىمىزدە تۇراتىن ءاربىر ءتورتىنشى تۇرعىن مايدانعا اتتاندى. ونىڭ 500-ءى كەڭەس وداعىنىڭ باتىرى اتانسا، جۇزدەن استامى – داڭق وردەنىنىڭ تولىق يەگەرى بولدى. ولاردىڭ تورتەۋى ەكى مارتە كەڭەس وداعىنىڭ باتىرى اتاعىن العان.  

سۋرەتتى تۇسىرگەن – ج. جۇمابەكوۆ.

ەرلان قوشانوۆ ماسكەۋ مەن لەنينگراد تۇبىندەگى شايقاستاردا، برەست قامالىن قورعاۋدا، كۋرسك دوعاسىندا، رجەۆ پەن ستالينگراد مايداندارىندا شايقاسقان قازاقستاندىق جاۋىنگەرلەردىڭ ەرلىكتەرىن اتاپ ءوتتى. ارميانى قارۋ-جاراقپەن، ونەركاسىپ تاۋارلارىمەن جانە ازىق-تۇلىكپەن قامتاماسىز ەتكەن قازاق حالقىنىڭ تىلداعى ۇلەسى تۋرالى ايتىپ، وتكەن قايعىلى وقيعالاردان ساباق الۋدىڭ ماڭىزدىلىعىنا ءمان بەردى. 

– جاقىندا پرەزيدەنت قاسىم-جومارت توقاەۆ قازاقستان حالقى اسسامبلەياسىندا: «ۇلى جەڭىستىڭ تاعىلىمى بارشا حالىققا، اسىرەسە، ساياساتكەرلەرگە كسەنوفوبياعا، ناسىلدىك جانە ۇلتتىق ۇستەمدىككە، حالىقارالىق قۇقىق قاعيداتتارىن قۇرمەتتەمەۋگە قۇرىلعان جاۋاپكەرشىلىكتەن جۇرداي ساياسات جۇرگىزۋدىڭ سالدارى قانداي قاسىرەتكە اكەلەتىنىن ءالى كۇنگە دەيىن كورسەتىپ وتىر» دەپ ەرەكشە اتاپ ءوتتى. وسىعان بايلانىستى مەملەكەت باسشىسى بۇۇ جارعىسى مەن حالىقارالىق قۇقىق قاعيداتتارىن ساقتاۋ قاجەتتىلىگىن ۇنەمى اتاپ كورسەتىپ كەلەدى، – دەدى ەرلان قوشانوۆ.  

سۋرەتتى تۇسىرگەن – ج. جۇمابەكوۆ.

سونىمەن قاتار ءماجىلىس سپيكەرى قازاقستان دەپۋتاتتارى وسى اتالعانداردى باسشىلىققا الىپ، بەرىك دوستىق پەن ىنتىماقتاستىق ورناتۋ ءۇشىن پارلامەنتتىك ديپلوماتيانىڭ مۇمكىندىكتەرىن كەڭىنەن پايدالانىپ وتىرعانىن ەرەكشە اتاپ ءوتتى. پالاتا توراعاسى جاقىندا ۆولگوگرادتا وتكەن حالىقارالىق فورۋمعا ءماجىلىس دەلەگاتسياسىنىڭ قاتىسقانى تۋرالى ايتىپ بەردى. وندا دەپۋتاتتار ءتۇرلى ەلدەردىڭ پارلامەنت وكىلدەرىمەن بىرگە فاشيزمگە قارسى كۇرەستىڭ الەمدىك تاريحي ماڭىزىن تالقىلادى.  

ەرلان قوشانوۆ قازاقستان پرەزيدەنتىنىڭ باستاماسىمەن داڭقتى ەرلىكتەرى ءۇشىن «ايبىن» وردەنىنىڭ ءۇش دارەجەسىنە ساعادات نۇرماعامبەتوۆ، باۋىرجان مومىشۇلى جانە راحىمجان قوشقارباەۆتىڭ ەسىمدەرى بەرىلگەنىن ايتتى. ال 604-ءشى اۋە بازاسى قازاقستاننىڭ اۋە قورعانىس كۇشتەرى ەكى مارتە كەڭەس وداعىنىڭ باتىرى، اتى اڭىزعا اينالعان ۇشقىش سەرگەي لۋگانسكيدىڭ ەسىمىمەن اتالا باستادى. 

ءماجىلىس سپيكەرى ۇلى جەڭىستىڭ مەرەيتويىنا ارناپ قازاقستان بويىنشا شامامەن ەكى مىڭعا جۋىق ەسكە الۋ، عىلىمي-زەرتتەۋ، اعارتۋشىلىق جانە باسقا دا ءىس-شارالار وتەتىنىن اتاپ ءوتتى. ەل پرەزيدەنتىنىڭ تاپسىرماسىمەن رەسپۋبليكا بويىنشا ەلدىمەكەندەردە 500-دەن استام كوشە جەرگىلىكتى جەرلەردىڭ باتىرلارى – سوعىس ارداگەرلەرىنىڭ ەسىمىمەن اتالادى. جەڭىستىڭ مەرەيتويىن اتاپ ءوتۋ اۋقىمدى اسكەري پارادتا جالعاسىن تابادى. 

سۋرەتتى تۇسىرگەن – ج. جۇمابەكوۆ.

ءىس-شاراعا ديپلوماتيالىق كورپۋس، قازاقستاننىڭ مەملەكەتتىك ورگاندارى مەن قارۋلى كۇشتەرىنىڭ وكىلدەرى، سونداي-اق قوعام قايراتكەرلەرى قاتىستى.  

ءماجىلىستىڭ ءباسپاسوز قىزمەتى

Abai.kz