مەملەكەت باسشىسىنىڭ تاپسىرماسى بويىنشا پروكۋراتۋرا ورگاندارى ماڭىزدى ينۆەستيتسيالىق جوبالاردى سۇيەمەلدەۋ بويىنشا دايەكتى جۇمىس جۇرگىزۋدە.

بۇگىندە پروكۋرورلاردىڭ نازارىندا 64 ترلن تەڭگەگە وسىنداي 1130 جوبا بار.

2023 جىلدىڭ ساۋىرىنەن باستاپ پروكۋرورلار 800 پروبلەمالىق ماسەلەلەردى ءساتتى شەشىپ، 1350 ينۆەستورعا، ونىڭ ىشىندە شەتەلدىكتەرگە (فرانتسيا، تۇركيا، قىتاي، سينگاپۋر جانە ت.ب.) ناقتى كومەك كورسەتتى.

ولاردىڭ ينۆەستيتسيا كولەمى 10 ترلن تەڭگەدەن اسادى.

ينۆەستورلارعا قاتىستى مەملەكەتتىك ورگانداردىڭ نەگىزگى شەشىمدەرى بويىنشا «پروكۋرورلىق سۇزگى» ەنگىزىلدى.

بۇل مەملەكەتتىك ورگاننىڭ پروكۋروردىڭ كەلىسىمىنسىز ينۆەستوردى تەكسەرۋگە، اكىمشىلىك جاۋاپكەرشىلىككە تارتۋعا، تالاپ-ارىزدار ەنگىزۋگە، ونىڭ قىزمەتىن توقتاتا تۇرۋعا، ليتسەنزيانى قايتارىپ الۋعا، كەلىسىمشارتتى بۇزۋعا جانە وزگە دە شەكتەۋلەر قويۋعا قۇقىعى جوق دەگەندى بىلدىرەدى.

وسى جەردە پروكۋروردىڭ كەلىسىمى كەزىندە «زاڭنىڭ ءارپى» عانا ەمەس، سونىمەن قاتار اقىلعا قونىمدى كوزقاراس پەن پاراساتتىلىقتىڭ ماڭىزدىلىعى دا ەسكەرىلەتىنى وتە ماڭىزدى.

«پروكۋرورلىق سۇزگى» لاۋازىمدى تۇلعالاردىڭ شەشىمدەرىنىڭ اشىقتىعىن قامتاماسىز ەتتى جانە مەملەكەت باسشىسىمەن پارلامەنت دەپۋتاتتارىنىڭ قولداۋىمەن اعىمداعى جىلى زاڭداردا بەكىتىلگەن.

پروكۋرورلار قازىردىڭ وزىندە 880-نەن استام شەشىمدى كەلىسۋدەن باس تارتتى، 360 زاڭسىز تەكسەرۋدى، ينۆەستورلارعا قاتىستى 330 اكىمشىلىك ءىس جۇرگىزۋدى جانە 200-گە جۋىق تىيىم سالۋ-شەكتەۋ شارالارىن توقتاتتى.

ينۆەستورلاردىڭ قۇقىقتارىن بۇزعانى ءۇشىن 225 لاۋازىمدى تۇلعا جازالاندى.

جالپى، ينۆەستورلاردى قورعاۋ شارالارى ايتارلىقتاي ناتيجە بەردى.

مەملەكەتتىك ورگانداردىڭ ينۆەستورلارعا قارالعان تالاپ ارىزداردىڭ سانى تورتتەن ءبىر بولىككە ازايدى.

اكىمشىلىك قۇقىق بۇزۋشىلىق جانە قىلمىس بويىنشا قوزعالعان ىستەر سانى ەكى ەسەگە جۋىق ازايدى.

پروكۋرورلار ەلدىڭ ينۆەستيتسيالىق تارتىمدىلىعىن جاقسارتۋعا، ينۆەستورلاردىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋگە باعىتتالعان.

جۇمىس جالعاسۋدا جانە ەرەكشە باقىلاۋدا.

Abai.kz