2025 جىلعى 1 شىلدەدەن باستاپ كوكشەتاۋ قالاسىندا ەلەكتر ەنەرگياسىنىڭ جاڭا تاريفتەرى كۇشىنە ەنەدى. بۇل تۋرالى "كوكشەتاۋ ەنەرگو" جشس ءمالىم ەتتى. 

تاريفتەر قر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ اقمولا وبلىسى بويىنشا دەپارتامەنتىمەن كەلىسىلگەن.

باعانىڭ وسۋىنە ەلەكتر ەنەرگياسىن تاراتۋشى ۇيىمدار تاراپىنان كوتەرىلگەن قۇن اسەر ەتكەن.

جاڭا ەرەجەگە سايكەس، جەكە تۇلعالار ءۇشىن ورتاشا ساتۋ ءتاريفى 1 كيلوۆاتت-ساعاتقا 29,89 تەڭگەنى قۇرايدى.

سارالانعان تاريفتەر مىناداي:

• ءبىرىنشى دەڭگەي (ايىنا ءبىر ادامعا 100 كۆت/ساع دەيىن) – 26,79 تەڭگە (بۇرىن – 25,47 تەڭگە);
• ەكىنشى دەڭگەي (100–190 كۆت/ساع) – 35,87 تەڭگە (بۇرىن – 34,19 تەڭگە);
• ءۇشىنشى دەڭگەي (190 كۆت/ساع-تان جوعارى) – 44,83 تەڭگە (بۇرىن – 42,74 تەڭگە).

سونىمەن قاتار، تۇرمىستىق ەمەس ماقساتتا تۇتىناتىن زاڭدى تۇلعالار مەن بيۋدجەتتىك ۇيىمدار ءۇشىن تاريف 52,91 تەڭگە بولىپ بەلگىلەندى.

ال ىشكى نارىققا الەۋمەتتىك ماڭىزى بار ازىق-تۇلىك ونىمدەرىن وندىرەتىن كاسىپورىندار ءۇشىن تاريف – 44,58 تەڭگە/كۆت·ساع دەڭگەيىندە بەكىتىلدى.

Abai.kz