– كەشە مەن «سك-فارماتسيا» جشس-ءنىڭ، دارىلىك زاتتاردى ساراپتاۋ ۇلتتىق ورتالىعىنىڭ، بىرىڭعاي ديستريبيۋتوردىڭ جانە ەلىمىزدەگى فارماتسەۆتيكالىق كومپانيالاردىڭ قىزمەتىنە قاتىستى باس پروكۋراتۋراعا ءوتىنىش تاپسىردىم، – دەپ جازدى ول ءوزىنىڭ Facebook پاراقشاسىندا

ول «جوعارى اۋديتورلىق پالاتانىڭ (جاپ) اۋديت قورىتىندىسىندا مەملەكەتكە ايتارلىقتاي زالال كەلتىرگەن زاڭبۇزۋشىلىقتار انىقتالعاننان كەيىن باس پروكۋراتۋراعا ءتورت ءوتىنىش جولداۋ تۋرالى شەشىم قابىلدادىم» دەدى. باقىتجان بازاربەك جولداعان وتىنىشتەردىڭ قاتارىندا:

— «سك-فارماتسيا» جشس مەن فارماتسەۆتيكالىق يندۋستريا سۋبەكتىلەرىنىڭ قىزمەتىنە قاتىستى;

— امسق ء(مامس) جانە مەديتسينالىق ۇيىمدارعا قاتىستى;

— اۋىل شارۋاشىلىعى سالاسىنداعى سۋبسيديالارعا قاتىستى;

— 2024 جىلعى رەسپۋبليكالىق بيۋدجەتتىڭ ورىندالۋى جونىندەگى ۇكىمەت ەسەبى بويىنشا بىرقاتار مينيسترلىكتەرگە قاتىستى وتىنىشتەر بەر.

ءبىر جىل بۇرىن جوعارى اۋديتورلىق پالاتانىڭ دەنساۋلىق ساقتاۋ مينيسترلىگى مەن «سك-فارماتسيا» جشس جۇمىسىنىڭ تيىمدىلىگىنە اۋديت جۇرگىزگەن. تەكسەرۋ بارىسىندا ءدارى-دارمەك باعاسىنىڭ نەگىزسىز قىمباتتاۋى، 200 ملن-عا ارتىق ساتىپ الۋ جانە 79 ملن تەڭگەگە ءتيىمسىز ءدارى-دارمەك الىنعانى انىقتالعان.

«سك-فارماتسيا» جشس دەنساۋلىق ساقتاۋ مينيسترلىگىنە تيەسىلى جانە رەسپۋبليكالىق بيۋدجەت ەسەبىنەن ءدارى-دارمەكتەر مەن مەديتسينالىق تەحنيكانى ساتىپ الۋمەن اينالىسادى.

«سك-فارماتسياعا» قاتىستى سۇراقتار 2020 جىلدىڭ شىلدە ايىندا باستالدى، قازاقستان پرەزيدەنتى قاسىم-جومارت توقاەۆ جشس سول كەزدەگى باسشىسى بەرىك ءشاريپتى جۇمىستان شىعارۋدى تاپسىردى جانە قاجەت بولعان جاعدايدا تەرگەۋ جۇرگىزۋدى ۇسىندى. سول جىلدىڭ تامىزىندا شاريپ سىبايلاس جەمقورلىق ايىپتارى بويىنشا قاماۋعا الىندى، پروكۋرور ونى بەس جىلعا باس بوستاندىعىنان ايىرۋدى سۇرادى. سوت ايىپپۇل سالىپ، سوت زالىنان بوساتتى.

Abai.kz