قارجى نارىعىن رەتتەۋ جانە دامىتۋ اگەنتتىگى 2023 جىلعى ماۋسىمنان باستاپ قازاقستاندا "ستوپ-كرەديت" سەرۆيسى قولدانىستا ەكەنىن ەسكە سالادى. 

بۇل قىزمەت ازاماتتارعا بانكتەر مەن ميكروقارجى ۇيىمدارىنان كرەديت الۋعا تىيىم سالۋ مۇمكىندىگىن بەرەدى.

قىزمەت قارىز قاراجاتىنا قولجەتىمدىلىكتى شەكتەپ، ازاماتتىڭ كەلىسىمىنسىز كرەديت رەسىمدەۋدىڭ الدىن الۋعا باعىتتالعان.

ەرىكتى تۇردە باس تارتۋ تۋرالى ءوتىنىش بەرگەننەن كەيىن بۇل اقپارات كرەديتتىك بيۋرولارعا اۆتوماتتى تۇردە جىبەرىلەدى. قارجى ۇيىمدارى كرەديتتىك ەسەپتى سۇراتقان كەزدە قويىلعان شەكتەۋدى كورىپ، كرەديت رەسىمدەي المايدى.

"ستوپ-كرەديت" سەرۆيسىن ونلاين قوسۋعا بولادى:

• e-Gov پورتالى نەمەسە ءموبيلدى قوسىمشاسى ارقىلى جۇيەگە كىرىڭىز;
• "بانكتىك قارىزدار مەن ميكروكرەديتتەردى الۋدان ەرىكتى تۇردە باس تارتۋ" قىزمەتىن تاڭداڭىز;
• ءوتىنىش فورماسىن تولتىرىپ، ەتسق ارقىلى قول قويىڭىز;
• ناتيجەسى تۋرالى حابارلاما الىڭىز.

قىزمەت مەرزىمسىز ارەكەت ەتەدى جانە ازامات شەكتەۋدى ءوزى الىپ تاستاعانعا دەيىن كۇشىندە بولادى. شەكتەۋدى الىپ تاستاۋ – سول تارتىپپەن، e-Gov ارقىلى جاڭا ەلەكتروندىق ءوتىنىش بەرۋ ارقىلى جۇزەگە اسىرىلادى.

ماڭىزدى: بۇل شەكتەۋ لومباردتار مەن كرەديتتىك بيۋرو دەرەكتەرىن پايدالانبايتىن ۇيىمدارعا قولدانىلمايدى.

اگەنتتىك ازاماتتاردى كرەديت ماسەلەسىنە جاۋاپكەرشىلىكپەن قاراۋعا، جەكە دەرەكتەرىن قورعاۋعا جانە قولجەتىمدى قارجىلىق قاۋىپسىزدىك شارالارىن پايدالانۋعا شاقىرادى.

Abai.kz