قر پارلامەنتى ەكى پالاتاسىنىڭ دەپۋتاتتارى VIII شاقىرىلىمنىڭ
ءۇشىنشى سەسسياسىن اياقتادى.

دەپۋتاتتار ءبىر جىلدا نە تىڭدىردى، قانداي جاڭا زاڭدار قابىلدادى؟ پارلامەنت مەملەكەت باسشىسىنىڭ «كۇشتى پرەزيدەنت –
ىقپالدى پارلامەنت – ەسەپ بەرەتىن ۇكىمەت» فورمۋلاسىن جۇزەگە اسىرا الدى
ما؟ بۇل سۇراقتارعا «ءتۇيىن» اقپاراتتىق-ساراپتامالىق باعدارلاماسىندا
ءماجىلىس دەپۋتاتى ەلنۇر بەيسەنباەۆ جاۋاپ بەردى.

سۇحبات بارىسىندا ءماجىلىس دەپۋتاتى ءمامس جۇيەسىندەگى وزەكتى
ماسەلەلەرگە توقتالدى.

- ءمامس جۇيەسى بويىنشا بىزدە كەلەلى ماسەلە بار. ستاتيستيكا
ماسەلەسىن پىسىقتايتىن ۋاقىت جەتتى. ەلىمىزدە 11 ميلليونعا جۋىق
ەكونوميكالىق بەلسەندى ازامات بار، سولاردىڭ 5,5 ملن عانا تۇراقتى جۇمىس
ىستەيدى. قالعاندارىنىڭ تۇراقتى جۇمىسى جوق. ياعني ءىشىنارا ءارتۇرلى
جۇمىستارمەن قامتاماسىز ەتىلگەن. ەلىمىزدە ءمامس جۇيەسىنە تىركەلمەگەن
3,5 ملن حالىق بار. 2,5 ملن ازامات – ءوزىن-ءوزى جۇمىسپەن قامتاماسىز
ەتۋشىلەر. وسىلاردىڭ بارلىعىمەن بىزگە جۇمىس ىستەۋ قاجەت. ول ءۇشىن بىزگە
اششى دا بولسا، شىنايى ستاتيستيكا كەرەك. بىرنەشە رەت بۇل سۇراقتى
كوتەردىك. ءبىزدىڭ ۇسىنىسىمىزبەن ۇكىمەت باسشىسى كەلىستى، - دەپ جەتكىزدى ول.

ەلنۇر بەيسەنباەۆ سالىق كودەكسىن قابىلداۋ كەزىندە تۋىنداعان
تالقىلاۋلارعا دا توقتالدى:

- سالىق كودەكسىنە قاتىستى وتە قىزۋ تالقىلاۋلار بولدى. 300 استام
ساراپشى، وسى سالانىڭ كاسىبي ماماندارى، بيزنەس سالاسىنىڭ وكىلدەرى، قوعام
قايراتكەرلەرى اتسالىستى. ۇكىمەت باسىندا بىرجاقتى، وتە كۇشتى
پوزيتسيامەن ماجىلىسكە كەلدى. تابىسى تومەن ازاماتتارعا دا سالىق سالعىسى
كەلدى. بۇل ورايدا پرەزيدەنتتىڭ كومەگى ەداۋىر جوعارى بولدى. ول قوسىمشا
قۇن سالىعىنىڭ پايىزىن سارالاۋ قاجەت دەدى. بويىنشا ۇكىمەتتىڭ 20%
پوزيتسياسى ول وتە جوعارى. ءبىز سونى نەگىزگە الا وتىرىپ، قوسىمشا قۇن
سالىعىن 20%-دان 16%-عا تۇسىردىك.

Abai.kz