قازاقستان تۇرعىندارى مەديتسينالىق كومەكتى مىندەتتى الەۋمەتتىك مەديتسينالىق ساقتاندىرۋ ء(مامس) جانە مەملەكەتتىك تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) اياسىندا الا الادى. بۇل تىزىمگە ناقتى نە كىرەتىنىن الەۋمەتتىك مەديتسينالىق ساقتاندىرۋ قورى ءتۇسىندىردى. 

تمككك بيۋدجەت قاراجاتى ەسەبىنەن ۇسىنىلادى. ونى قازاقستان رەسپۋبليكاسى ازاماتتارى، قانداستار، بوسقىندار، شەتەلدىكتەر جانە قر اۋماعىندا تۇراقتى تۇراتىن، ىقتيارحاتى بار ازاماتتىعى جوق تۇلعالار پايدالانا الادى. ال ەل اۋماعىندا ۋاقىتشا تۇرىپ جاتقان شەتەلدىكتەر مەن ازاماتتىعى جوق ادامدار، سونداي-اق باسپانا ىزدەگەن تۇلعالار تمككك-گە تەك اينالاسىنا قاۋىپ توندىرەتىن اۋرۋلار كەزىندە عانا جۇگىنە الادى.

كوپشىلىك ساقتاندىرىلعان مارتەبەسى بولماسا، ەمحانادا قابىلدامايدى دەپ قاتە ويلايدى. الايدا ءمامس جۇيەسىندەگى مارتەبەسىنە قاراماستان كورسەتىلەتىن مەديتسينالىق قىزمەتتەر ءتىزىمى بار، – دەدى امسق باسقارما توراعاسىنىڭ ورىنباسارى ينديرا ساركەنوۆا.

تمككك اياسىندا مىنانداي قىزمەتتەر كورسەتىلەدى:

1. جەدەل مەديتسينالىق كومەك: جەدەل جاردەم بريگاداسىنشاقىرۋدان بولەك، سانيتارلىق اۆياتسيا قىزمەتتەرى دە كىرەدى;
2. باستاپقى مەديتسينالىق-سانيتارلىق كومەك: ۋچاسكەلىكدارىگەردىڭ (ۆوپ، تەراپەۆت، پەدياتر، مەدبيكە) قابىلداۋى، كەڭ تارالعان اۋرۋلاردى دياگنوستيكالاۋ، ەمدەۋ جانە باسقارۋ، ماقساتتى توپتار اراسىندا پروفيلاكتيكالىق تەكسەرۋلەر، يممۋنالاندىرۋ، اۋرۋلاردىڭ مىنەز-قۇلىقتىق قاۋىپ فاكتورلارىن ەرتە انىقتاۋ جانە مونيتورينگتەۋ، سالاۋاتتى ءومىر سالتىن قالىپتاستىرۋ جانە ناسيحاتتاۋ، رەپرودۋكتيۆتى دەنساۋلىقتى قورعاۋ شارالارى، جۇكتى ايەلدەر مەن بوسانعان ايەلدەردى بوسانعاننان كەيىنگىكەزەڭدە باقىلاۋ;
3. امبۋلاتوريالىق جاعدايدا مامانداندىرىلعان مەديتسينالىق كومەك: ۆيچ-ينفەكتسياسى مەن تۋبەركۋلەزدىڭ الدىن الۋ جانە دياگنوستيكاسى، الەۋمەتتىك ماڭىزى بار جانە سوزىلمالى اۋرۋلاردى دياگنوستيكالاۋ مەن ەمدەۋ، جاراقاتتار، ۋلانۋ نەمەسە باسقا دا شۇعىل جاعدايلار كەزىندەگى قىزمەتتەر;
4. ستاتسيوناردى الماستىراتىن جاعدايلاردا مامانداندىرىلعان مەديتسينالىق كومەك: الەۋمەتتىك ماڭىزى بار جانە سوزىلمالى اۋرۋلارى بار ادامدارعا ارنالعان كۇندىزگى ستاتسيونار قىزمەتتەرى;
5. ستاتسيونارلىق جاعدايدا مامانداندىرىلعان مەديتسينالىق كومەك: شۇعىل كورسەتكىشتەر بويىنشاگوسپيتاليزاتسيا، ستاتسيوناردىڭ قابىلداۋ بولىمىندە شۇعىل گوسپيتاليزاتسيا كەزىندە ەمدەۋ جانە دياگنوستيكا، الەۋمەتتىك ماڭىزى بار جانە سيرەك كەزدەسەتىن (ورفاندىق) اۋرۋلار كەزىندە جوسپارلى گوسپيتاليزاتسيا، ينفەكتسيالىق نەمەسە پارازيتتىك اۋرۋمەن اۋىرعان اداممەن بايلانىستابولعان ادامداردى وقشاۋلاۋ، سونداي-اق ينفەكتسيالىق نەمەسە پارازيتتىك اۋرۋعا كۇدىكتى نەمەسە ناقتى دياگنوزى قويىلعان ادامداردى گوسپيتاليزاتسيالاۋ;
6. مەديتسينالىق وڭالتۋ: تمككك اياسىندا تۋبەركۋلەزبەناۋىراتىن ناۋقاستارعا مەديتسينالىق وڭالتۋ جۇرگىزىلەدى;
7. ۋاكىلەتتى ورگان بەلگىلەگەن اۋرۋلار تىزبەسى بويىنشاپاللياتيۆتىك مەديتسينالىق كومەك;
8. قان جانە ونىڭ كومپونەنتتەرىمەن قامتاماسىز ەتۋ;
9. پاتولوگواناتوميالىق دياگنوستيكا;
10. ولىمنەن كەيىنگى دونوردان اعزالار مەن تىندەردى ءالۋۇشىن دايىنداۋ، ولاردى الۋ، كونسەرۆىلەۋ، دايىنداۋ، ساقتاۋ جانە تاسىمالداۋ.

سونداي-اق پاتسيەنتتەرگە بەلگىلى ءبىر سوزىلمالى اۋرۋلاركەزىندە دەنساۋلىق ساقتاۋ مينيسترلىگىنىڭ تىزىمىندە كورسەتىلگەن دارىلىك زاتتار مەن مەديتسينالىق بۇيىمدارمەن جەڭىلدىكتى امبۋلاتوريالىق قامتاماسىز ەتۋ قولجەتىمدى.

ەسكە سالايىق، بۇل مەديتسينالىق قىزمەتتەر ازاماتتارعا ءمامس جۇيەسىندەگى مارتەبەسىنە قاراماستان قولجەتىمدى.

ەگەر سىزگە مەديتسينالىق كومەك كورسەتۋدەن زاڭسىز باس تارتسا، ءاربىر ەمحانا مەن اۋرۋحانادا جۇمىس ىستەيتىن پاتسيەنتتى قولداۋ قىزمەتىنە جۇگىنۋگە بولادى. وندا ماسەلەنى ورنىندا شەشۋگەكومەكتەسەدى. ەگەر مەديتسينالىق ۇيىم تاراپىنان تۇسىنىستىك بولماسا، الەۋمەتتىك مەديتسينالىق ساقتاندىرۋ قورىنا شاعىم تۇسىرۋگە بولادى.