مادەنيەت جانە اقپارات مينيسترلىگى جارتىجىلدىق قورىتىندىلارىن جاريالاۋدى جالعاستىرادى. وسى ورايدا كرەاتيۆتى يندۋستريانىڭ دامۋىنا قاتىستى باستى جەتىستىكتەردى نازارلارىڭىزعا ۇسىنامىز.

قابىلدانعان زاڭنامالىق نورمالار، سالىقتىق جەڭىلدىكتەر جانە ينفراقۇرىلىم قۇرۋ ناتيجەسىندە ەلدىڭ الەمدىك رەيتىنگتەگى ورنىن جاقسارتتى.

اتاپ ايتقاندا، قازاقستان قاسىم-جومارت توقاەۆتىڭ باستاماسىمەن الەمدىك زياتكەرلىك مەنشىك ۇيىمى رەيتينگىندە (WIPO) «كرەاتيۆتى ونىمدەر مەن قىزمەتتەر» كورسەتكىشى بويىنشا 93 ورىننان 65 ورىنعا، ال كينەماتوگرافيا سالاسىندا 60 ورىننان 31 ورىنعا كوتەرىلدى.

بۇگىندە ەلدە 16 كرەاتيۆتى ورتالىق جۇمىس ىستەپ، اكسەلەراتورلار، حالىقارالىق تاعىلىمدامالار مەن ءبىلىم بەرۋ باعدارلامالارى ىسكە قوسىلعان. بۇل باستامالار كەراتيۆتى ازاماتتار مەن جوبالاردى قولداۋعا باعىتتالعان.

2025 جىلدىڭ ەكىنشى جارتىسىندا كورپوراتيۆتىك كرەاتيۆتى يندۋستريانى قولداۋ قورى ءوز جۇمىسىن باستايدى. قور ءتورت نەگىزگى باعىت بويىنشا قىزمەت كورسەتەدى. اتاپ ايتساق، تالانتتاردى انىقتاۋ جانە اكسەلەراتسيالاۋ، جوبالارعا ينۆەستورلار تارتۋ جانە ينفراقۇرىلىمدى دامىتۋ، سونداي‑اق قازاقستاندىق كرەاتيۆتى ونىمدەردى حالىقارالىق نارىققا شىعارۋ.

2024 جىلدان باستاپ 40 كرەاتيۆتى ەكونوميكالىق قىزمەت تۇرىنە قاتىستى 2–4 % بولشەك ساتۋ سالىعىن ەنگىزگەن ارنايى سالىق رەجيمى ىسكە قوسىلدى. بۇل شارا كرەاتيۆتى يندۋستريا سۋبەكتتەرىنىڭ سانىن جىل سايىن شامامەن 17 % ، ياعني 46 667 كاسىپورىنعا كوبەيتتى.

مەملەكەتتىڭ 2029 جىلعا قويعان جوسپارى بويىنشا كرەاتيۆتى يندۋستريالاردىڭ ءجىو-گە قوسقان ۇلەسىن 2% -عا دەيىن ارتتىرۋ (بۇگىندە 1%), كرەاتيۆتى ونىمدەر مەن قىزمەتتەر ەكسپورتىنىنىڭ كولەمىن 115 ملن اقش دوللارىنا، ال وسى سالادا قىزمەت ەتەتىن ماماندار سانىن 180 مىڭعا دەيىن جەتكىزۋ كوزدەلگەن.

بۇل شارالار كرەاتيۆتى يندۋستريانىڭ قازاقستان ەكونوميكاسى ءۇشىن ستراتەگيالىق ماڭىزىن كورسەتىپ، ەلدىڭ الەمدىك نارىقتا جوعارى ورىنداردان كورىنۋىنە سەپ بولادى.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz