پاۆلودار وبلىسىندا حالىقارالىق جاستار كۇنى جانە جۇمىسشى ماماندىقتار جىلى اياسىندا «جاستار بولاشاعى – جارقىن قازاقستان» اتتى رەسپۋبليكالىق جاستار فورۋمى جۇمىسىن باستادى.

فورۋمعا ەلىمىزدىڭ بارلىق وڭىرلەرىنەن 120-دان استام بەلسەندى جاستار - ينجەنەرلەر، ونەركاسىپ كاسىپورىندارىنىڭ ماماندارى، IT-ازىرلەۋشىلەر، دارىگەرلەر، كاسىپكەرلەر جانە قوعامدىق ۇيىمداردىڭ وكىلدەرى جينالدى. بارلىق قاتىسۋشىلار - 35 جاسقا دەيىن، ماقساتى ايقىن، جاڭا سىناقتارعا دايىن جانە كاسىبي وسۋگە باعىتتالعان.

قازاقستان پرەزيدەنتى قاسىم-جومارت توقاەۆ دەلەگاتتارعا قۇتتىقتاۋ ءسوز سويلەپ، جاستار قوعامنىڭ قوزعاۋشى كۇشى جانە ەلدى جاڭعىرتۋدىڭ باستى قوزعالتقىشى ەكەنىن اتاپ ءوتتى. فورۋمعا قاتىسۋشىلارعا مەملەكەت باسشىسىنىڭ بەينە قۇتتىقتاۋى LED-ەكران ارقىلى كورسەتىلدى.

سۋرەت: primeminister.kz سايتىنان الىندى.

فورۋم جۇمىسىنا قازاقستان رەسپۋبليكاسى پرەمەر-ءمينيسترىنىڭ ورىنباسارى ەرمەك كوشەرباەۆ قاتىستى.

«بۇگىن مۇندا مىقتى، باسەكەگە قابىلەتتى جانە تەحنولوگيالىق جاعىنان دامىعان قازاقستاندى قالىپتاستىراتىن جاستار جينالىپ وتىر. ءبىزدىڭ ەلىمىزدە حالىقتىڭ ۇشتەن ءبىرى جاستار، ازاماتتاردىڭ ورتاشا جاسى 32 جاستى قۇرايدى جانە بۇل ۇلەس وسۋدە. سوندىقتان جۇمىسشى ماماندىقتار جىلىن جاريالاۋ ولاردىڭ بەدەلىن ارتتىرۋ جانە تەحنيكالىق ماماندىقتاردى جاستار اراسىندا تانىمال ەتۋ ءۇشىن ماڭىزدى قادام بولدى»، - دەپ اتاپ ءوتتى ۆيتسە-پرەمەر.

ول ۇكىمەتتىڭ جاس قازاقستاندىقتاردى قولداۋ بويىنشا كەشەندى شارالار ىسكە اسىرىپ جاتقانىن حابارلادى:

- ستۋدەنتتىك شاكىرتاقىلار ەكى ەسەگە ۇلعايتىلدى (جۇمىس بىلىكتىلىگى بويىنشا - 43 574 تگ.، ورتا بۋىن بويىنشا - 41 896 تگ.);
- 4,5 مىڭ ورىندىق 17 جاتاقحانا سالىنۋدا (كوللەدج ستۋدەنتتەرىنىڭ 85%-ى تۇرعىن ۇيمەن قامتاماسىز ەتىلگەن);
- شەتەلدىك كوللەدجدەر مەن ۋنيۆەرسيتەتتەردىڭ فيليالدارى اشىلدى;
- «جاسىل ەل»، «جاستار تاجىريبەسى»، «ديپلوممەن اۋىلعا» باعدارلامالارى ىسكە اسىرىلۋدا;
- جۇمىسشى ماماندارعا ارنالعان جەڭىلدەتىلگەن «ناۋرىز»، «وتاۋ» تۇرعىن ءۇي باعدارلامالارى جانە «ناۋرىز جۇمىسكەر» جاڭا جوباسى جۇمىس ىستەيدى;
- «بولاشاق» ستيپەندياسىنا قايتا باعدارلاۋ جۇرگىزىلدى — گرانتتاردىڭ كەمىندە 60%-ى تەحنيكالىق ماماندىقتارعا بولىنەدى.

سۋرەت: primeminister.kz سايتىنان الىندى.

Abai.kz