شيەلى اۋداندىق كوپبەيىندى ورتالىق اۋرۋحاناسىندا 30 توسەكتىك ينفەكتسيالىق بولىمشە جۇمىس ىستەي باستادى.

20 ورىن بالالارعا جانە 10 ورىن ەرەسەك پاتسيەنتتەرگە ارنالعان (40-قا دەيىن ۇلعايتۋ مۇمكىندىگى بار). بولىمشەدە ءۇش دارىگەر، ونىڭ ىشىندە مەڭگەرۋشى، بالالار مەن ەرەسەكتەر ينفەكتسيونيستەرى، سونداي-اق ورتا جانە كىشى مەديتسينا قىزمەتكەرلەرى جۇمىس ىستەيدى.

بولىمشە قۇرىلىمىندا ەلەكتروندىق توسەكتەرى بار 5 بوكس پالاتاسى، 25 توسەككە ارنالعان 13 جالپى پالاتا، شۇعىل جاعدايلارعا ارنالعان رەانيماتسيالىق پالاتا، ەمشارا جانە قاراۋ كابينەتتەرى، شاعىن وپەراتسيالىق بلوك بار.
بارلىق پالاتالار باكتەريتسيدتىك ساۋلەلەندىرگىشتەرمەن جانە شپريتس ديسپەنسەرلەرىمەن جاراقتالعان. جابدىق قاۋىپسىزدىك ستاندارتتارىنا سايكەس كەلەدى.

بولىمشە تاۋلىك بويى ستاتسيونارلىق رەجيمدە جۇمىس ىستەيتىن بولادى. مۇندا ءجىتى ىشەك ينفەكتسيالارى، جرۆي، لارينگيت جانە باسقا دا اۋا-تامشى ينفەكتسيالارى، تەرى ينفەكتسيالىق اۋرۋلارى، ءجىتى جانە سوزىلمالى تۇردەگى برۋتسەللەزى بار پاتسيەنتتەرگە مەديتسينالىق كومەك كورسەتىلەتىن بولادى.

ەڭ قاۋىپتى ينفەكتسيالاردى ەرتە دياگنوستيكالاۋعا، وقشاۋلاۋعا جانە ەمدەۋگە دايىندىققا ەرەكشە نازار اۋدارىلادى. بۇل اسىرەسە ماڭىزدى، ويتكەنى شيەلى اۋدانى كونگو-قىرىم گەمورراگيالىق قىزباسىنىڭ ەندەميالىق ايماعىنا جاتادى.

Abai.kz